Viral / સલમાન ખાને ચૂલા પર બનાવ્યું ભોજન અને લગાવ્યો લસણ-આદુનો તડકો, વીડિયો આગની જેમ થઈ રહ્યો છે વાયરલ

• સલમાન ખાનનો એક વીડિયો થઈ રહ્યો છે વાયરલ
• ભાઈજાન ચૂલા ઉપર ખાવાનું રાંધતો જોવા મળી રહ્યો છે
• ભાઈજાનના વીડિયોને લોકો ખૂબ પસંદ કરી રહ્યાં છે

વીડિયોમાં જોઇ શકાય છે કે અભિનેતા સલમાન ખાન ચૂલા પર રસોઇ બનાવી રહ્યો છે. વીડિયોમાં અભિનેત્રી બીના કાક દબંગ ખાનને રસોઈ બનાવવામાં મદદ કરી રહી છે. વીડિયોમાં સલમાન લસણ-આદુનો તડકો લગાવતા જોવા મળી રહ્યો છે. બીના કાક સલમાન ખાનને કોથમીર આપતા જોવા મળી રહી છે. તે પછી તે સલમાન ખાનને પૂછે છે કે આ શું છે, પછી સલમાન ખાન હસે છે અને કહે છે કે આ ભૂસું છે.

આ વીડિયો બીના કાક દ્વારા તેના ફેસબુક એકાઉન્ટ પર સલમાન ખાનના જન્મદિવસ પર શેર કરવામાં આવ્યો હતો. વીડિયોને હવે ચાર મિલિયનથી વધુ લોકો જોઈ ચૂક્યા છે. લોકો સલમાન ખાનના આ વીડિયો પર ખૂબ કમેન્ટ કરી રહ્યાં છે અને પોતાની પ્રતિક્રિયા આપી રહ્યાં છે. 

વર્કફ્રન્ટની વાત કરીએ તો સલમાન ખાનની આગામી ફિલ્મ 'અંતિમ'નો હાલમાં જ એક વીડિયો શેર કરવામાં હતો, જેમાં તે એક શીખ કોપ તરીકે જોવા મળ્યો હતો. આ સિવાય સલમાન ખાન ટૂંક સમયમાં ફિલ્મ 'રાધે: યોર મોસ્ટ વોન્ટેડ હીરો'માં જોવા મળશે. આ ફિલ્મમાં અભિનેત્રી દિશા પટણી અને રણદીપ હૂડા સાથે સલમાન ખાન મુખ્ય ભૂમિકામાં જોવા મળશે.