બૉલીવુડ ગપશપ / સલામાન ખાને યુલિયા વંતુરનો 44માં બર્થ ડે ઉજવ્યો, ખાસ તસવીર કરી શેર

સલમાન ખાન દરરોજ કોઈને કોઈ કારણોસર સમાચારમાં રહે છે. અભિનેતાઓ તેમના જીવન, સંબંધો અને કારકિર્દીને લઈને હેડલાઇન્સ બનાવતા રહે છે. આ વખતે સલમાન ખાનનો એક ફોટો સોશિયલ મીડિયા પર વાયરલ થઈ રહ્યો છે જેમાં અભિનેતા સાથે તેની ગર્લફ્રેન્ડ પણ જોવા મળી રહી છે. આ ફોટો યુલિયાના જન્મદિવસની ઉજવણીનો છે. વાયરલ ફોટોમાં સલમાન ખાનનો આખો પરિવાર જોવા મળી રહ્યો છે. આ ફોટો સોશિયલ મીડિયા પર ઝડપથી વાયરલ થઈ રહ્યો છે. આ ફોટો જોઈને સલમાન ખાનના ચાહકો અનુમાન લગાવી રહ્યા છે કે અભિનેતાનું યૂલિયા સાથે કંઈક ચાલી રહ્યું છે અથવા તેઓ સાથે કોઈ પ્રોજેક્ટ કરવા જઈ રહ્યા છે. સલમાન ખાન અને યૂલિયાની આટલી નજીક આવવાનો અર્થ શું છે? અભિનેત્રી, મોડલ અને સિંગર યૂલિયા વંતુર સલમાન ખાનની નજીકની મિત્રોમાંથી એક છે. બંને ઘણીવાર ઘણી ઈવેન્ટ્સમાં સાથે જોવા મળે છે. ગઈકાલે યુલિયાએ તેનો 44મો જન્મદિવસ ઉજવ્યો. આ ખાસ અવસર પર બી ટાઉનના ઘણા સેલેબ્સે પણ પોસ્ટ કરીને તેને અભિનંદન પાઠવ્યા હતા. તેમજ તેના જન્મદિવસને વધુ ખાસ બનાવવા માટે આખો ખાન પરિવાર પણ સાથે જોવા મળ્યો હતો.

યુલિયા વંતુરે તેના સોશિયલ મીડિયા હેન્ડલ ઈન્સ્ટાગ્રામ પર એક તસવીર શેર કરી છે. આ ફોટોમાં જોઈ શકાય છે કે સલમાન ખાન, અર્પિતા શર્મા અને તેના પતિ આયુષ શર્મા, અલવીરા અગ્નિહોત્રી, ભાઈજાનના બોડીગાર્ડ શેરા સહિત આખો ખાન પરિવાર એક ફ્રેમમાં જોવા મળી રહ્યો છે. તમને જણાવી દઈએ કે યૂલિયા ભાઈજાન અને તેના પરિવાર સાથે ખૂબ જ ખાસ બોન્ડિંગ શેર કરે છે. આ ફોટો શેર કરતી વખતે અભિનેત્રીએ કેપ્શનમાં લખ્યું છે કે હું તને પ્રેમ કરું છું. રેડ હાર્ટ ઇમોજી પણ શેર કર્યા. તમને જણાવી દઈએ કે યૂલિયાએ બોલિવૂડની ઘણી ફિલ્મોના ગીતોમાં પોતાનો અવાજ આપ્યો છે. તેમાં 'જીનિયસ'ના 'પ્યાર દે પ્યાર લે', સલમાન ખાનની ફિલ્મ 'રાધે'ના 'સીટી માર' સહિત ઘણા ગીતો સામેલ છે.

વધુ વાંચો : તો આ છે શમા સિકંદરની ફિટનેસ અને ગ્લોઇંગ સ્કિનનું રાઝ, તસવીરો જોઇ મંત્રમુગ્ધ થઇ જશો

સલમાન ખાનની આગામી ફિલ્મો

સલમાન ખાનના વર્ક ફ્રન્ટની વાત કરીએ તો તે જલ્દી જ 'સિકંદર'માં જોવા મળશે. તેણે આ ફિલ્મનું શૂટિંગ પણ શરૂ કરી દીધું છે. આ એક એક્શન-એન્ટરટેઇનર ફિલ્મ છે જેનું નિર્દેશન એઆર મુરુગાદોસ દ્વારા કરવામાં આવ્યું છે અને સાજિદ નડિયાદવાલા દ્વારા નિર્મિત છે. આ ફિલ્મમાં દબંગ ખાનની સાથે રશ્મિકા મંદાન્ના અને પ્રતિક બબ્બર પણ મહત્વના રોલમાં જોવા મળશે.