ખુલ્યુ રહસ્ય ? / VIDEO: રેખા માટે આજ સુધી સિંગલ છે સલમાન? વર્ષો બાદ આ રીતે ઉઠ્યો રાજ પરથી ઉઠ્યો પડદો

• તો શું રેખાના કારણે હજી સુધી સિંગલ છે સલમાન ખાન?
• અભિનેત્રી રેખાએ બિગ બોસ સિઝન 8 દરમ્યાન ખોલ્યું રાજ
• સલમાન 6-7 વર્ષના હતા ત્યારે મારો પીછો કરતા હતા

આખરે સલમાને હજી સુધી લગ્ન કેમ કર્યા નથી?

આ વાતથી સૌ કોઈ વાંકેફ છે કે સુપરસ્ટાર સલમાન ખાનના લગ્ન હંમેશા એક ચર્ચાનો વિષય રહ્યો છે. તેમના ચાહકો હંમેશા જાણવા માગે છે કે આખરે સલમાને હજી સુધી લગ્ન કેમ કર્યા નથી. આ રહસ્ય પરથી દિગ્ગજ અભિનેત્રી રેખાએ બિગ બોસ સિઝન 8 દરમ્યાન પડદો ઉઠાવ્યો હતો. તેમણે ખુલાસો કર્યો હતો કે જ્યારે સલમાન 6-7 વર્ષના હતા ત્યારે સલમાન તેમનો પીછો કરતા હતા. રેખાએ કહ્યું હતુ, સલમાન સાઈકલ ચલાવતા હતા. હું આગળ-આગળ ચાલતી હતી અને તેઓ મારી પાછળ આવતા હતા. તેમને ખબર નહોતી કે એ સમયે તેમને મારી સાથે પ્રેમ થઇ ગયો હતો. 

કદાચ તેના કારણે મારા લગ્ન થયા નથી: સલમાન

આ સાંભળી સલમાને કહ્યું હતુ, તે વખતે યોગ સાથે મારું કોઈ કનેક્શન ન હતુ. પરંતુ રેખાજી ત્યાં યોગ શીખતા હતા તો હું અને મારા મિત્ર ત્યાં પહોંચી જતા હતા. રેખા મુજબ, સલમાને તે વખતે બધાને કહી દીધુ હતુ કે તે મોટા થઈને રેખા સાથે લગ્ન કરશે. આ સાંભળતા જ સલમાને કહ્યું કે કદાચ તેના કારણે મારા લગ્ન થયા નથી. 

 

 

 

 

View this post on Instagram

 

 

 

 

 

 

 

 

 

 

 

A post shared by Rekha ❤ (@fairy_rekha)

બંનેની વાતચીતનો વીડિયો સો.મીડિયામાં થયો વાયરલ

વર્ષો બાદ હવે ફરી એક વખત આ બંનેનો વીડિયો સોશિયલ મીડિયામાં ખૂબ વાયરલ થઇ રહ્યો છે. મહત્વની વાત એ છે કે જે અભિનેત્રીની સાથે સલમાને લગ્ન કરવાના સપના જોયા હતા. મોટા થયા બાદ તેની સાથે ફિલ્મમાં કામ કરવાની તક મળી. સલમાને 1988માં આવેલી ફિલ્મ 'બીવી હો તો એસી'થી એક્ટિંગ ડેબ્યુ કર્યુ હતુ. ફિલ્મમાં રેખા સલમાનની ભાભી બની હતી.  જો કે વર્તમાન સમયમાં સલમાન અને રેખા બંને પોતાની સિંગલ લાઈફ એન્જોય કરી રહ્યાં છે.