બોલીવુડ સુપરસ્ટાર સલમાન ખાન આગામી ફિલ્મ 'ભારત'ના પ્રમોશનમાં વ્યસ્ત છે. પ્રમોશનને લઇને સલમાન રિયાલિટી ડાન્સ શો સુપર ડાન્સર 3ના સેટ પર પહોંચ્યા હતા. જ્યાં તેમણે કેટરીના કૈફનું 'ઇનસલ્ટ' કર્યું હતું. મામલો જાણે એમ હતો કે, કેટરીના કૈફે એક કોરિયોગ્રાફરના વખાણ કર્યા જેણે તેની સાથે ઠગ્સ ઓફ હિંદુસ્તાનમાં કામ કર્યું હતું. જો કે, ત્યારબાદ કોરિયોગ્રાફરે કેટરીના કૈફની મહેનતના પણ વખાણ કર્યા હતા.
કેટરીના કૈફે ઠગ્સ ઓફ હિંદુસ્તાનના ગીત 'સુરૈયા'ના એક ડાન્સ સ્ટંટ માટે લગભગ એક માસ જેટલી પ્રેક્ટિસ કરી હતી, સલમાન ખાને પૂછ્યું કે તે કયું સ્ટેપ હતું જેના માટે 1 માસ પ્રેક્ટિસ કરવાની જરૂર પડી, કારણ કે, આ સ્ટંટ ઘૂંટણ પર જંપ કરવા સાથે જોડાયેલ છે જો કે, કૈટરીનાએ સલમાનને ના પાડી કે તે આ ડાન્સ ન કરે, આપને જણાવી દઇએ કે, સલમાન ખાનને ઘૂંટણની તકલીફ છે.
સલમાન પોતાની ખુરશી પરથી ઉભા થયા અને તે ડાન્સ સ્ટેપ કરવા સ્ટેજ તરફ આગળ વધ્યા, કેટરીનાએ સલમાનને અટકાવ્યો પરંતુ તે ના અટક્યો અને સ્ટેજ પર પહોંચી ગયો. અંતે તેણે તે સ્ટંટ કરી બતાવ્યો હતો. સલમાન ખાને કરી બતાવેલ સ્ટંટને પગલે કેટરીનાની એક મહિનાની મહેનતનું અપમાન થયું હતું.