કોરોના સંકટમાં ફરી સલમાન ખાને મદદનો હાથ લંબાવ્યો છે. ભાઈજાનનો એક વીડિયો ખૂબ વાયરલ થઈ રહ્યો છે.
સલમાન ખાન ફરી આવ્યો મદદે
સલમાને ફ્રન્ટલાઈન વર્કર્સ માટે રવિવારે પાંચ હજાર ફૂડ પેકેટ્સ મોકલ્યા
પોતે ચાખીને ખાવાનું મોકલી રહ્યો છે સલમાન
સલમાન ખાન કોરોના વાયરસ મહામારીમાં જરૂરિયાતમંદોની મદદ કરીને નેક કામ કરી રહ્યો છે. સલમાને ફ્રન્ટલાઈન વર્કર્સ માટે રવિવારે પાંચ હજાર ફૂડ પેકેટ્સ મોકલ્યા. સલમાનની ટીમ જ નહીં પરંતુ સલમાન પોતે આ કામ પર નજર રાખી રહ્યો છે. સલમાનનો એક વીડિયો હાલમાં સોશિયલ મીડિયા પર ખુબ વાયરલ થઈ રહ્યો છે.
વીડિયો વાયરલ
વીડિયોમાં સલમાન ખાન મરૂન રંગના શર્ટમાં જોવા મળી રહ્યો છે. આ વીડિયોમાં તે પોતે ખાવાનું ચાખે છે. સાથે જ કઈ રીતે પેકિંગ કરાયું છે તે પણ તે ચેક કરી રહ્યો છે. સલમાને ગાઈડલાઈનનું ધ્યાન રાખતા ખાવાનું ચાખ્યા બાદ તરત જ માસ્ક પહેર્યો. આ પેકેટ તૈયાર કરી રહેલી આખી ટીમ પણ કોરોના ગાઈડલાઈન્સનું પાલન કરતી જોવા મળી હતી.
સલમાન ખાન ભોજન પેક કરવાની પ્રક્રિયા પર નજર રાખવા માટે બાન્દ્રા સ્થિત રેસ્ટોરા પહોંચ્યો હતો. યુવા સેનાના સભ્ય રાહુલ કનલે ટ્વિટર પર અભિનેતાની એક તસવીર શેર કરી જેમાં સલમાન રેસ્ટોરામાં જોવા મળે છે.
One big team !!! Can’t thank enough @BeingSalmanKhan bhai for being there... what more you can ask when he keeps a check on the menu and does such sudden visits 🙏 https://t.co/RQKH7Z1wnw
કનલે લખ્યું કે એક મોટી ટીમ, ત્યાં પહોંચવા માટે સલમાનનો આભાર કેવી રીતે વ્યક્ત કરું. તેઓ જ્યારે ખાવાની વ્યવસ્થા ચેક કરવા માટે અચાનક આવ્યા તો તમે તેમનાથી વધુ શું માંગી શકો. કનલે ટ્વિટ કરીને જણાવ્યું કે સલમાન ખાને ફ્રન્ટલાઈન વર્કર્સના ભોજન માટે 5000 પેકેટ્સ મોકલ્યા છે.
ગયા વર્ષે પણ સલમાને મદદનો હાથ લંબાવ્યો હતો
તમને જણાવી દઈએ કે ગત વર્ષે લાગેલા લોકડાઉનમાં સલમાન ખાન પોતાના પરિવાર સાથે પનવેલના ફાર્મહાઉસ પર હતો. ત્યાંથી પણ તેણે કોરોનાકાળમાં લોકોની મદદ કરી હતી. તે વખતના તેના વીડિયો પણ ખુબ વાયરલ થયા હતા.