સલમાન ખાન ઇન્ડસ્ટ્રીમાં પોતાના દોસ્તોની સાથે હંમેશા ખાસ લગાવ રાખે છે અને સતત પોતાના કો-સ્ટાર્સ અને ફ્રેન્ડ્સને ગિફ્ટ આપીને સ્પેશિયલ ફિલ કરાવે છે, પરંતુ હવે લાગે છે કે, દંબગ 3 માં વિલનની ભૂમિકા કરનારા એક્ટર કિચ્ચા સુદીપ આ મામલામાં ઘણો લકી સાબિત થયો કેમકે સલમાને તેણે બેક ટૂ બેક 2 ખાસ ગિફ્ટ્સ આપી.
સલમાન ખાને તાજેતરમાં જ સાઉથ સુપરસ્ટાર કિચ્ચા સુદીપને ઘરે પહોંચીને તેણે સરપ્રાઇઝ આપી અને એક નવી BMW M5 ગિફ્ટ કરી. કિચ્ચાએ આ ખાસ ગિફ્ટને લઇને ઘણા એક્સાઇટેડ જોવા મળ્યા અને પોતાના ઑફિશ્યલ ઇન્સ્ટાગ્રામ એકાઉન્ટ પર આ ગાડી સાથે ફોટો શૅર કર્યો. તેણે આ ફોટો શૅર કરતા લખ્યુ કે, હંમેશા સારુ થાય છે જ્યારે તમે સારું કરો છો. સલમાન ખાન સરે મારી આ લાઇન પર વિશ્વાસ કરીને સાબિત કર્યુ અને મને આ ખાસ સરપ્રાઇઝ આપી. થેંક્યૂ તમારા પ્રેમ માટે જે તમે મારા અને મારા પરિવાર પ્રતિ બતાવ્યો. તમારી સાથે કામ કરવુ મારા માટે સન્માનની વાત છે અને મને ખુશી થઇ કે તમે મારા ઘરે આવ્યા.
આ પહેલી વખત નથી કે જ્યારે સલમાને સુદીપને કોઇ ગિફ્ટ આપી હોય. આ પહેલા પણ સલમાને સુદીપને એક જેકેટ ગિફ્ટ કર્યુ હતુ. આ જેકેટની બેક પર સલમાનના ફેવરિટ ડૉગની ફોટો છે. કિચ્ચાએ આ ફોટો પણ પોતાના ઑફિશ્યલ સોશ્યલ મીડિયા પર શૅર કર્યો છે જેમાં તે આ જેકેટ પહેરેલો જોવા મળી રહ્યો છે અને સલમાન આ જેકેટ પર રહેલા ડૉગના પ્રિન્ટિંગને કિસ કરતો જોવા મળી રહ્યો છે. ફેન્સની વચ્ચે આ ફોટો ખૂબ જ વાયરલ થઇ હતી.
ઉલ્લેખનીય છે કે, સલમાન ખાનની દંબગ 3ને ડિરેક્ટર પ્રભુદેવાએ ડિરેક્ટ કરી છે અને સાઇ માંજરેકરે આ ફિલ્મથી બોલિવુડમાં ડેબ્યૂ કર્યુ છે. સાઇ માંજરેકર સિવાય ફિલ્મમાં સોનાક્ષી સિન્હા. કિચ્ચા સુદીપ અને અરબાઝ ખાન જેવા સ્ટાર્સ જોવા મળ્યા હતા. આ ફિલ્મને ઓડિયન્સ અને ક્રિટિક્સના તરફથી મિક્સ રિવ્યૂઝ મળ્યા હતા.