બોલિવૂડ સુપરસ્ટાર સલમાન ખાન માત્ર બોલિવૂડમાં જ નહીં ટેલિવૂડમાં પણ હાઈએસ્ટ પેઈડ એક્ટર છે. સૂત્રોના જણાવ્યા પ્રમાણે 'બિગ બોસ'ની 11મી સિઝન માટે સલમાન ખાનને 11 કરોડ રૂપિયા પ્રતિ એપિસોડ મળતા હતાં. હવે આ સિઝનમાં સલમાનને જોઈતી હતી તેટલી રકમ તો ના જ પાડી પરંતુ તે પ્રતિ એપિસોડ 14 કરોડ રૂપિયા લેશે. આ શો 13 અઠવાડિયા કરતાં પણ વધુ ચાલશે અને સલમાન દર શનિ-રવિ આવતો હોય છે. એટલે કે સલમાન ખાનને 'બિગ બોસ'માંથી લગભગ 364 કરોડ રૂ.(14 કરોડ*26(શનિ-રવિ) મળશે. તમને જણાવી દઇએ કે બાહુબલી જેવી મોંઘી ફિલ્મ બનાવવા માટે 350 કરોડ રૂપિયા લાગ્યા હતા 350 કરોડમાં બાહુબલી પાર્ટ 1 અને 2 બંને બની ગઇ હતી.
સૂત્રોનુસાર 'બિગ બોસ'ની વધતી TRP રેટિંગની સાથે દર વર્ષે સલમાનની ફીઝ વધે છે. સલમાન ખાને 'બિગ બોસ'ની 12મી સિઝન માટે 19 કરોડ રૂપિયા માંગ્યા હતાં. 'બિગ બોસ'ની વધતી ટીઆરપી જોઈને સલમાને આ ફી માંગી હતી. જોકે ચેનલ વધુ પૈસા આપવાના મૂડમાં નહોતી. અંતે સલમાન 14 કરોડમાં તૈયાર થયો હતો. સલમાન નવમી વાર 'બિગ બોસ'ને હોસ્ટ કરશે. કહેવાય છે કે આ વખતે 'બિગ બોસ' વધુ બજેટ ખર્ચવા તૈયાર નથી. આથી જ માત્ર સલમાન જ નહીં પરંતુ સ્પર્ધકોને પણ ઓછા રૂપિયા આપવામાં આવશે. મેકર્સના મતે નોટબંધીને કારણે બજેટ ઓછું રાખવામાં આવ્યું છે.
'બિગ બોસ 12'માં હશે 21 કન્ટેસ્ટન્ટ:
'બિગ બોસ'માં 21 કન્ટેસ્ટન્ટ હશે. જેમાં 3 કૉમનર અને 3 સેલિબ્રેટી જોડીઓ હશે જ્યારે 9 કન્ટેસ્ટન્ટ એકલા આવશે. જો ટીવી સેલેબ્સની વાત કરવામાં આવે તો આ વખતે શોમા ટીવી કપલ ગુરમીત ચૌધરી-દેબિના બેનર્જી મિલિંદ સોમન અને અંકિતા કંવર જ્યારે શોએબ ઇબ્રાહિમ-દીપિકા કક્કડ જોવા મળશે. આ સિવાય કરણવીર બોહરા માહિકા શર્મા પોન સ્ટાર ડેની-ડી 'ગુલામ' ફેમ પરમ સિંહ 'સ્પ્લિટ્સવિલા' વિનર સ્કારલેટ રોઝ જોવા મળશે.
હાઇએસ્ટ પેડ કન્ટેસ્ટન્ટ:
'બિગ બોસ'માં માહિકા શર્મા તથા ડેની ડીની જોડી હાઈએસ્ટ પેઈડ છે. તેમને દર અઠવાડિયે 95 લાખ રૂપિયા આપવામાં આવશે. દેબીના તથા ગુરમીતની જોડીને દર અઠવાડિયે 90 લાખ રૂપિયા આપવામાં આવશે. જ્યારે દીપિકા કક્કડે દરેક અઠવાડિયા 15 લાખ રૂપિયા ભારતી સિંહને દર અઠવાડિયે 50 લાખ રૂપિયા મળશે.