બજરંગી ભાઈજાન સલમાને ખાને પણ આજે કોરોના વાયરસની વેક્સિનનો ડોઝ લીધો છે.
સલમાન ખાને લીધી
સોશ્યલ મીડિયા પર આપી માહિતી
આ પહેલા ઘણા સેલેબ્સે લીધી છે વેક્સિન
બોલિવૂડના સુપરસ્ટાર સલમાન ખાને કોરોના વેક્સિનનો પ્રથમ ડોઝ લીધો છે. તેમણે સોશ્યલ મીડિયાના માધ્યમથી ટ્વિટ કરીને આ મુદ્દે જાણકારી આપી. તેમણે ટ્વિટ કરીને કહ્યું કે આજે મએ કોરોના વેક્સિનનો પ્રથમ ડોઝ લીધો છે. સલમાન ખાન મુંબઈના બાંદ્રામાં સ્થિત લીલાવતી હોસ્પિટલ પહોંચ્યા હતા જ્યાં તેમણે કોરોના વેક્સિનનો ડોઝ લીધો. તે હોસ્પિટલ પહોંચ્યા તે સમયની તસવીરો પણ સોશ્યલ મીડિયામાં વાયરલ થઈ રહી છે.
આ પહેલા મંગળવારે અભિનેતા સંજય દત્તે પણ કોરોના વાયરસની વેક્સિન લીધી હતી. 61 વર્ષીય દત્તે કોરોના વેક્સિન લેતી તસવીર શેર કરી અને લખ્યું મેં આજે કોરોના વાયરસની વેક્સિનનો પ્રથમ ડોઝ લીધો છે. હું ડોક્ટર ધેરે અને તેમની સમગ્ર ટીમને તેમના શ્રેષ્ઠ કામ બદલ શુભેચ્છા પાઠવું છું. તેમના માટે અને તેમના કામ માટે મારા મનમાં ઘણો પ્રેમ અને સન્માન છે. જય હિંદ.
Received my first shot of the COVID-19 vaccine today at the BKC vaccine center.
I want to congratulate Dr. Dhere and his entire team for doing such a wonderful job! I have so much love & respect for them & their hard work. Jai Hind! pic.twitter.com/LcSNoAsf0G
અગાઉ સૈફ અલી ખાન, રાકેશ રોશન, હેમા માલિની, કમલ હાસન, સતિષ શાહ, શિલ્પા શિરોડકર, જોની લિવર અને મેઘના નાયડુ જેવા સેલેબ્સ કોરોના વેક્સિન લગાવી ચૂક્યા છે. આ બધાની તસવીરો ઇન્ટરનેટ પર ચર્ચામાં રહી હતી.
હોમ ક્વોરંટાઇન આમિર ખાન
રણબીર કપૂર બાદ ઘણા સ્ટાર્સ કોરોના સંક્રમિત થયા હતા પરંતુ હવે આમીર ખાન કોરોના પોઝીટીવ આવ્યા છે અને ઘરે જ આઇસોલેટ થઇ ગયા છે. આમિર ખાનના સ્પોક્સ પર્સને જણાવ્યું કે મિસ્ટર આમિર ખાન કોરોના પોઝીટીવ આવ્યા છે અને તે ઘરમાં જ સેલ્ફ ક્વોરંટાઇન થયા છે. હાલમાં તેમની તબિયત સારી છે પરંતુ થોડા દિવસ પહેલા જે તેમના સંપર્કમાં આવ્યા છે તે ટેસ્ટ કરાવી લે.
કાર્તિક આર્યન પણ પોઝીટીવ
મહારાષ્ટ્રમાં પરિસ્થિત્ વણસી રહી છે. પહેલા એક્ટર રણબીર કપૂર પોઝીટીવ આવ્યા હતા. હવે બોલીવૂડના રાઇઝીંગ સ્ટાર કાર્તિક આર્યન કોરોના સંક્રમિત થઇ ગયો છે. તેણે સોશ્યલ મિડીયા પર આ વાતની જાણકારી આપી છે. એક્ટરે ઇન્સ્ટાગ્રામ પર પોસ્ટ શૅર કરતા કહ્યું છે કે પોઝીટીવ થઇ ગયો છું. દુઆ કરજો. તમને જણાવી દઇએ કે હાલમાં જ કાર્તિક આર્યને લેકમે ફેશન વિકમાં મશહૂર ડિઝાઇનર મનીષ મલ્હોત્રા માટે રેમ્પ વોક કર્યુ હતુ. આ દરમિયાન તે ભૂલ ભૂલૈયા ફેમ કોસ્ટાર કિયારા અડવાણી સાથે નજર આવ્યો હતો.
સતીશ કૌશિક સંક્રમિત
Attention please!! I have been tested Covid positive. I would request everyone to get tested, who came in contact with me in the last few days. I am home quarantined. Your love, best wishes & blessings will help. Thanks.
કોરોના વાયરસની અસર દેશભરમાં ચાલુ છે. ગત વર્ષથી જ આ વાયરસે લોકોને પરેશાન કરી મૂક્યા છે. સામાન્ય જનતા હોય કે પછી ખાસ લોકો હોય, આ વાયરસ કોઈને છોડતો નથી. ત્યારે બોલિવૂડનાં ઘણા સ્ટાર્સને પણ ગયા વર્ષે કોરોના થયો હતો અને સેલેબ્સ પણ કોરોના સામે જંગ લડી ચૂક્યા છે. તો આ વર્ષે ચાર દિવસ પહેલાં જ બોલિવૂડના દિગ્ગજ એક્ટર સતીશ કૌશિક કોરોનાની ચપેટમાં આવી ગયા છે. તેમણે એક ટ્વિટ કરીને આ વાતની માહિતી આપી છે કે તેમનો કોરોના રિપોર્ટ પોઝિટિવ આવ્યો છે અને તેઓ હોમ ક્વોરન્ટાઈન છે. પણ હવે એવા સમાચાર મળ્યા છે કે, તેમને હોસ્પિટલમાં દાખલ કરવામાં આવ્યા છે.