બોલિવૂડના સુપરસ્ટાર સલમાન ખાનની ફિલ્મ 'દબંગ 3' રિલીઝ થઈ ગઈ છે. દેશભરમાં ચાલી રહેલાં CAA વિરોધ વચ્ચે પણ ફિલ્મ તગડી કમાણી કરી રહી છે અને હવે સલમાનના ચાહકો માટે એક ગુડ ન્યૂઝ છે. બોલિવૂડના દબંગ ખાનને વર્લ્ડ રેસલિંગ એન્ટરટેનમેન્ટ (WWE) ટૂંક જ સમયમાં કસ્ટમાઈઝ્ડ ડબ્લ્યૂ ડબ્લ્યૂ ઈ ચેમ્પિયનશિપ બેલ્ટ આપીને સન્માનિત કરશે.
સલમાન ખાનના ફેન્સ માટે સારાં સમાચાર
સલમાન ખાનને WWE બેલ્ટથી સન્માનિત કરાશે
દબંગ સીરિઝની આ ત્રીજી ફિલ્મને સેલિબ્રેટ કરવા લેવાયો નિર્ણય
WWE દબંગ સીરિઝની આ ત્રીજી ફિલ્મને સેલિબ્રેટ કરવા માટે આ નિર્ણય લેવાયો છે. બેલ્ટની સાઈડમાં સલમાન ખાનનું નામ પણ એમ્બોસ કરવામાં આવશે. આ સમાચાર WWE ઈન્ડિયાના ટ્વિટર હેન્ડલ પર શેર કર્યા છે. હવે વાત કરીએ સલમાનની ફિલ્મ દબંગ 3ની તો ફિલ્મે બોક્સ ઓફિસ પર 24 કરોડની કમાણી સાથે સારી શરૂઆત કરી છે.
વર્ષ 2010થી શરૂ કરીએ તો સલમાનની ફિલ્મ 'વીર'એ પહેલાં દિવસે 7 કરોડની કમાણી કરી હતી. ત્યારબાદ 'રેડી'એ 13.15 કરોડ રૂપિયા અને 'એક થા ટાઈગર'એ 32.93 રૂપિયાનું ફર્સ્ટ ડે કલેક્શન કર્યું હતું. સલમાન ખાન દર વર્ષે એક કે બે ફિલ્મોમાં કામ કરે છે અને તેની દરેક ફિલ્મ રેકોર્ડ બ્રેક કમાણી કરે છે. વર્ષ 2019ની વાત કરીએ તો ફિલ્મ 'ભારત'એ પહેલાં દિવસે 42.30 કરોડ રૂપિયાની કમાણી કરી હતી, જ્યારે 'દબંગ 3'એ તેનાથી અડધી કમાણી કરી છે.