સલમાન ખાનની મોસ્ટ અવેટેડ ફિલ્મ રાધેઃ યોર મોસ્ટ વોન્ટેડ ભાઈ આજે રિલીઝ થવાની છે. ચાલો જાણીએ આ ફિલ્મ ક્યારે અને કયા પ્લેટફોર્મ પર રિલીઝ થશે.
કોવિડ પ્રોટોકોલને ધ્યાનમાં રાખી આ ફિલ્મ ઓનલાઈન પ્લેટફોર્મ પર રિલીઝ થશે. 2020માં રિલીઝ થનારી આ એક્શન થ્રિલર ફિલ્મની લોકો આતુરતાથી રાહ જોઈ રહ્યાં હતા અને દર્શકોની આતુરતાનો આજે અંત આવશે. ફિલ્મને લઈને જબરદસ્ત બઝ બનેલો છે અને રિલીઝ પહેલાં જ રાધે ટ્રેન્ડ કરી રહી છે. ફિલ્મ અગાઉ થિયેટરમાં રિલીઝ થવાની હતી પરંતુ કોરોના મહામારીને કારણે સલમાનને નિર્ણય બદલી લીધો.
કયા પ્લેટફોર્મ પર રિલીઝ થશે ફિલ્મ
ઘણાં દર્શકોને કન્ફ્યૂઝન છે કે આ કોવિડ પ્રોટોકોલમાં ફિલ્મ ક્યાં અને કઈ રીતે જોઈ શકાશે. સલમાન ખાનની 'રાધે: યોર મોસ્ટ વોન્ટેડ ભાઈ' ઝીપ્લેક્સ પર સ્ટ્રીમ થશે. આ ફિલ્મ આજે બપોરે 12 વાગ્યે ઓનલાઇન સ્ટ્રીમ થશે.
ટિકિટ લઈને જોવી પડશે રાધે
તમને આ ફિલ્મ ઓનલાઈન ફ્રી જોવા નહીં મળે. દર્શકોએ તેના માટે પૈસા ચૂકવવા પડશે. આ ફિલ્મ પે પર વ્ય પ્રમાણે જોવા મળશે. એટલે કે ફિલ્મને દરેક વખતે ઓનલાઈન જોવા માટે દર્શકોએ 249 રૂપિયા ચૂકવવા પડશે. જોકે, થિયેટર્સની ટિકિટ પ્રમાણે જોઈએ તો સલમાનના ફેન્સ માટે આ કોઈ મોટી રકમ નથી.
પ્રભુદેવાએ ફિલ્મ ડિરેક્ટ કરી છે
ફિલ્મનું દિગ્દર્શન પ્રભુદેવાએ કર્યું છે. આ ફિલ્મમાં સલમાન ખાનની સાથે દિશા પટની, રણદીપ હૂડા, બિગ બોસ ફેમ ગૌતમ ગુલાટી અને જેકી શ્રોફ પણ છે. ફિલ્મમાં સલમાન ખાન એક પોલીસ અધિકારીની ભૂમિકામાં જોવા મળશે જે ડ્રગ માફિયાને ખતમ કરશે.
એક્શન, કોમેડી, ડ્રામા અને મ્યુઝિકનો તડકો
'રાધે'માં એક્શન, કોમેડી, ડ્રામા અને મ્યુઝિક સહિત સંપૂર્ણ કોમર્શિયલ પેકેજ છે. આ ફિલ્મમાં સલમાન ખાનનું નામ રાધે છે, જે તેની 2009ની ફિલ્મ વોન્ટેડમાં પણ હતું. જોકે, સલમાન ખાને હાલમાં એક વર્ચ્યુઅલ ઇન્ટરેક્શન દરમિયાન મીડિયાને કહ્યું હતું કે આ ફિલ્મ 'વોન્ટેડ'થી સંપૂર્ણપણે અલગ છે.