સ્પોર્ટ્સ / શાહરૂખ અને પ્રીતિ ઝિંટા બાદ હવે બોલીવુડના આ ખાને પણ ક્રિકેટ પ્રીમિયર લીગની ટીમ ખરીદી

• હવે બોલીવુડના ભાઈજાને પણ ક્રિકેટ પ્રીમિયર લીગની ટીમ ખરીદી
• ટીમમાં ક્રિસ ગેલ જેવા ધુરંધરો સામેલ
• સોહેલ ખાને કહ્યું કે ક્રીસ ગેલ યુનિવર્સ બોસ છે 

શાહરૂખ ખાન અને પ્રીતિ ઝિંટા બાદ હવે બોલિવૂડના ભાઈજાનનો પરિવાર પણ ક્રિકેટમાં મેદાનમાં ઉતરી ગયો છે. સ્ટાર એક્ટર સલામન ખાનનો પરિવારે શ્રીલંકન પ્રીમિયર લીગમાં કેન્ડી ટસ્કર્સ ફ્રેન્ચાઇઝી ખરીદી છે. આ ટૂર્નામેન્ટ આ વર્ષે 21 નવેમ્બરના રોજ શ્રીલંકામાં શરુ થશે. નોંધનીય છે કે ખાન પરિવાર જે ફ્રેન્ચાઇઝી ખરીદવામાં આવી છે તેમાં વિસ્ફોટક બેટ્સમેન ક્રીસ ગેલ પણ સામેલ છે.  

સોહેલ ખાને કહ્યું સલમાન ખાન પણ મેચમાં આવશે  

સોહેલ ખાન ઇન્ટરનેશનલ LLP દ્વારા કેન્ડી ટસ્કર્સમાં રોકાણ કરવામાં આવત્ય છે. સોહેલ ખાને કહ્યું કે તેમને શ્રીલંકાની પ્રીમિયર લીગમાં ઘણી બધી સંભાવનાઓ દેખાય છે. તેમણે દાવો કર્યો કે સલમાન ખાન બધી મેચમાં ભાગ લેશે. 

ક્રીસ ગેલ પણ ટીમમાં સામેલ 

ક્રીસ ગેલ પર વાત કરતા સોહેલ ખાને કહ્યું કે સ્વાભાવિક છે કે તે યુનિવર્સ બોસ છે, જોકે અમારી આખી ટીમ ખૂબ સારી છે. કુસલ પરેરા લોકલ આઇકન છે. આ સિવાય અમારા પાસે લીયામ પ્લન્કેટ, વહાબ રિયાઝ, કુસલ મેન્ડીસ અને નુવાન પ્રદીપ જેવા ખેલાડીઓ છે. સોહેલ ખાને વધુમાં કહ્યું કે અમારી ટીમના ખેલાડીઓમાં જે પ્રકારનો જોશ છે ને ચાહકોમાં ઉત્સાહ છે તે સૌથી વધારે છે. 

અહેવાલ અનુસાર આ લીગમાં સલમાનના પરિવાર સિવાય અન્ય બે ભારતીય કંપનીઓએ પણ રોકાણ કર્યું છે. આ સિવાય એક શ્રીલંકાની કંપની પણ છે.