સલમાન ખાનની મોસ્ટ અવેટેડ ફિલ્મ 'રાધે: યોર મોસ્ટ વોન્ટેડ ભાઈ'નું ટ્રેલર રિલીઝ થઈ ગયું છે, જે હાલમાં સોશિયલ મીડિયા પર ધૂમ મચાવી રહ્યું છે.
સલમાન ખાનની ફિલ્મ 'રાધે: યોર મોસ્ટ વોન્ટેડ ભાઈ'નું ટ્રેલર રિલીઝ થઈ ગયું
સોશિયલ મીડિયા પર ધૂમ મચાવી રહ્યું છે ટ્રેલર
આ ફિલ્મમાં સલમાને વર્ષો જૂની પોલિસી કરી બ્રેક
અભિનેતાના ચાહકોને તેની ફિલ્મનું ટ્રેલર ખૂબ પસંદ આવી રહ્યું છે. આ ટ્રેલરની દર્શકોમાં ખૂબ ચર્ચા થઈ રહી છે. પરંતુ હવે જે ચર્ચાનો વિષય બની ગયો છે એ છે ફિલ્મમાં સલમાન ખાનનું દિશા પટની સાથેનું કિસિંગ સીન.
હકીકતમાં અત્યાર સુધી સલમાન ખાન ઓનસ્ક્રીન કિસ કરતા જોવા નહોતો મળ્યો. પરંતુ તેની ફિલ્મ રાધેમાં તેણે પહેલીવાર આવું કર્યું છે. જી હા, ટ્રેલરના એક સીનમાં સલમાન દિશાને કિસ કરતો જોવા મળી રહ્યો છે. આ સીન જોયા બાદ એક્ટરના ફેન્સ ચોંકી ગયા છે, કારણ કે આ પહેલાં સલમાનને તેની કોઈપણ ઓનસ્ક્રીન એક્ટ્રેસને કિસ કરતા જોવા મળ્યો નથી.
સલમાન ખાને એકવાર પોતે કહ્યું હતું કે, કિસ કોઈપણ ફિલ્મ માટે જરૂરી નથી, કારણ કે તે આમાં અનકન્ફર્ટેબલ ફીલ કરે છે પરંતુ હવે લાગે છે કે, સલમાને તેના કન્ફર્ટ ઝોનમાંથી બહાર આવવાનું નક્કી કર્યું છે. રાધેના ટ્રેલરમાં સલમાન ખાન પહેલીવાર તેની કો સ્ટીર દિશાને કિસ કરતા જોવા મળી રહ્યો છે.
આ જોયા પછી સલમાન ખાનના ચાહકોમાં ખળભળાટ મચી ગયો છે. શેડોવાળા આ સીનમાં, જ્યાં દિશા ઊભી છે ત્યાં સલમાન ખાન આવે છે અને તે અભિનેત્રીને કિસ કરતા જોવા મળે છે. ઘણાં યુઝર્સ કમેન્ટ કરીને આ સીન વિશે તેમની ઉત્સુકતા વ્યક્ત કરી રહ્યાં છે. આ સીનની ચર્ચા સોશિયલ મીડિયા પર પણ ખૂબ થઈ રહી છે.