સલમાન ખાન બોલીવુડના એક એવા સુપરસ્ટાર છે, જે અંગે નાનામાં નાની અપડેટ જાણવા માટે પ્રશંસકો ખૂબ ઉત્સાહી રહે છે. સલમાન ખાનના ચાહકો સલમાનને ભગવાનની જેમ પૂજે છે. સલમાન સાથે જોડાયેલો કોઈ પણ વીડિયો અથવા ફોટો સોશિયલ મીડિયામાં તરત વાયરલ થાય છે.
સલમાનનો કોઈ પણ વીડિયો, ફોટો સો. મીડિયામાં થાય છે તરત વાયરલ
સલમાને રંગેચંગે પોતાના જન્મ દિવસની કરી ઉજવણી
હવે સલમાન ખાનનો ઓટો રિક્ષા ચલાવતો વીડિયો થયો વાયરલ
લ્યો બોલો ! હવે સલમાનનો ઓટો રિક્ષા ચલાવતો વીડિયો સામે આવ્યો
હાલમાં સલમાન ખાનને તેમના જન્મ દિવસના એક દિવસ પહેલાં સાપે ડંખ માર્યો હતો. આ સાંભળી તેમના પ્રશંસકોની વચ્ચે અફરા-તફરી મચી હતી. જો કે હવે સલમાનને સારું છે અને તેમણે હર્ષોલ્લાસપૂર્વક પોતાના જન્મ દિવસની ઉજવણી કરી હતી. તો સોશિયલ મીડિયામાં હવે સલમાન ખાનનો ઓટો રિક્ષા ચલાવતો વીડિયો સામે આવ્યો છે. જે લોકોની વચ્ચે ચર્ચાનો વિષય બની ગયો છે. આ વીડિયોમાં સલમાન ઓટો રિક્ષા ચલાવી રહ્યો છે. સલમાન ખાનના એક ફેન પેજ પરથી આ વીડિયોને શેર કરવામાં આવ્યો છે. જેના પર લોકો પ્રતિક્રિયા આપી રહ્યાં છે. એક સોશિયલ મીડિયા યુઝરે વીડિયો પર કોમેન્ટ કરતા લખ્યું છે કે ભાઈનો શોખ પણ ગજબ છે. તો અન્ય એક યુઝર્સે લખ્યું છે, સર તમે મહાન છો તેથી તો અલગ છો.
સલમાનના વર્ક ફ્રન્ટની વાત કરીએ તો અત્યારે તેમને બિગ બૉસ 15ને હોસ્ટ કરતા જોઈ શકાય છે. આ સાથે તેઓ કેટરીનાની સાથે ફિલ્મ ટાઈગર 3માં જોવા મળશે. ફિલ્મના શૂટિંગ માટે હાલમાં બંને તુર્કીમાં હાજર હતા. છેલ્લી વખત સલમાન પોતાના જીજાજી આયુષ શર્માની સાથે ફિલ્મ અંતિમમાં જોવા મળ્યા હતા.