બોલિવૂડના ભાઈજાન એટલે કે સલમાન ખાન લોકડાઉનને કારણે પરિવારજનો અને મિત્રો સાથે તેના પનવેલ ફાર્મ હાઉસ પર ફસાઈ ગયો છે. જોકે, ફાર્મહાઉસ પર હોવા છતાં તે લોકોની મદદ કરવાનો એકપણ મોકો છોડી નથી રહ્યો. હકીકતમાં સલમાન ખાનનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જેમાં તે ટ્રકમાં રાશન ભરતાં જોવા મળી રહ્યો છે.
A post shared by Salman Khan (@beingsalmankhan) on
સલમાનના આ નેક કામમાં તેનો પરિવાર અને મિત્રો પણ સાથ આપતા જોવા મળી રહ્યાં છે. ખાસ વાત એ છે કે, આ વીડિયોમાં સલમાનની સાથે યૂલિયા વંતૂર અને જેકલીન ફર્નાન્ડિસ પણ જોવા મળી રહી છે. વીડિયોમાં સલમાન ખાન પરિવાર અને મિત્રો સાથે એક ચેન બનાવી બળદ ગાડી, ટ્રોલી અને ટ્રેક્ટરમાં રાશનનો સામાન ભરતો જોવા મળી રહ્યો છે.
A post shared by Salman Khan (@beingsalmankhan) on
આ વીડિયો સલમાને પોતે તેના ઈન્સ્ટાગ્રામ એકાઉન્ટ પર શેર કર્યો છે. આ વીડિયો લોકોને ખૂબ પસંદ આવી રહ્યો છે અને અત્યાર સુધી આ વીડિયો 9 લાખથી પણ વધુ વાર જોવાઈ ચૂક્યો છે. આ વીડિયો શેર કરતાં ભાઈજાને લખ્યું-તમારા બધાંના યોગદાન બદલ આભાર. બધાનો આભાર.
તમને જણાવી દઈએ કે, આ પહેલાં પણ સલમમાન ખાને 25 હજાર ડેઈલી વેજિસ વર્કરોની મદદ કરી હતી. સાથે જ અનેક લોકોના ઘરે રાશન માટેનો જરૂરી સામાન પણ મોકલાવ્યો હતો. જેની તસવીરો પણ સોશિયલ મીડિયા પર વાયરલ થઈ હતી. બોલિવૂડમાં સલમાન ખાન તેની દરિયાદિલીને કારણે પણ ઓળખાય છે. કોઈની મદદ કરવામાં એક્ટર હમેશાં તૈયાર રહે છે.