બોલિવૂડના સલમાન ખાન કોરોના વાયરસના સંકટ સમયમાં સતત લોકોની મદદ કરી રહ્યો છે. ત્યારે એક્ટર ઈદના ખાસ અવસર પર જરૂરિયાતમંદોની મદદ કરીને ફરી દરિયાદિલી દેખાડી છે. આ સાથે જ તેણે જબરદસ્ત અંદાજમાં લોકોને ઈદી પણ આપી.
ઈદ પર સલમાન ખાને જરૂરિયાતમંદોને આપી ખાસ ભેટ
5000 પરિવારને સલમાને વહેંચી ઈદ કિટ
સલમાનના આ નેક કામના થઈ રહ્યાં છે વખાણ
હકીકતમાં સલમાન ખાને ઈદના તહેવાર પર 5000 ગરીબ પરિવારોની મદદ કરી અને ફૂડ કિટ ડિસ્ટ્રીબ્યૂટ કરી.આ રીતે સલમાન ખાને તેના ફેન્સ માટે ઈદ 2020ને ખાસ બનાવી દીધી. સલમાન ખાનના આ નેક કામની જાણકારી મહારાષ્ટ્રના નેતા રાહુલ એન કનલે ટ્વિટ કરીને આપી છે અને તેમણે કેટલીક તસવીરો પણ શેર કરી છે. જેમાં લોકો ફૂડ કિટ તૈયાર કરતા જોવા મળી રહ્યાં છે.
Thank you @BeingSalmanKhan bhai for reaching out to 5000 families in your own special way on the occasion of Eid and spreading happiness...Humans like you balance the society,Thank you for the Eid kits distributed to one and all...special way of bhai wishing Eid !!! pic.twitter.com/7oTPPeXZMv
રાહુલ એન કનલે ટ્વિટ કરીને સલમાન ખાનના આ નેક કામ બદલ તેનો આભાર માન્યો છે. રાહુલએ ટ્વિટ કરીને લખ્યું- સલમાન ભાઈ તમારો આભાર. ઈદના ખાસ અવસર પર લગભગ 5000 પરિવારો સુધી પહોંચવા અને ખુશીઓ વહેંચવા માટે તમારો આભાર. ઈદની શુભેચ્છા પાઠવવાની ભાઈની સ્પેશિયલ રીત. તમને જણાવી દઈએ કે, આ ઈદની કિટ્સમાં શીર ખુરમા (ખીર) બનાવવા માટેની જરૂરી સામગ્રી, દૂધના પેકેટ્સ, અનાજ અને અન્ય જરૂરી રાશન મૂકવામાં આવ્યો હતો. સલમાન ખાને આ કામને કારણે તેના ખૂબ વખાણ થઈ રહ્યાં છે.
A post shared by Salman Khan (@beingsalmankhan) on
તમને જણાવી દઈએ કે, લોકડાઉનને કારણે સલમાન ખાન અત્યારે તેના પનવેલ ફાર્મહાઉસ પર રહી રહ્યો છે. જ્યારે તેના વર્ક ફ્રંટની વાત કરીએ તો તે ટૂંક સમયમાં ફિલ્મ રાધેઃ યોર મોસ્ટ વોન્ટેડ હીરોમાં જોવા મળશે. આ ફિલ્મમાં સલમાનની સાથે એક્ટ્રેસ દિશા પટની અને એક્ટર રણદીપ હુડા પણ મુખ્ય ભૂમિકામાં જોવા મળશે. આ ફિલ્મ પહેલાં ઈદ પણ રિલીઝ થવાની હતી, પણ કોરોનાને કારણે આ ફિલ્મ પોસ્ટપોન કરવામાં આવી.