ધમકી મામલો / સલમાન ખાન પાસેથી 5 કરોડની ખંડણી માગનારો ઝડપાયો, નામ જાણીને બોલીવુડમાં હડકંપ

સલમાન ખાન ધમકી કેસમાં એક મોટું અપડેટ સામે આવ્યું છે. સલમાન ખાનને જાનથી મારી નાખવાની ધમકી આપીને તેની પાસેથી 5 કરોડની ખંડણી માગનાર શખ્સની કર્ણાટકમાંથી ધરપકડ કરવામાં આવી છે. આરોપીનું નામ સોહેલ પાશા છે જે સલમાનની આગામી ફિલ્મના એક ગીતનો ગીતકાર છે. 24 વર્ષીય પાશાએ પબ્લિસિટી માટે ધમકી મોકલી હતી. ક્રાઈમ બ્રાન્ચે કર્ણાટકના રાયચૂરમાંથી પાશાની ધરપકડ કરીને વર્લી પોલીસને સોંપ્યો હતો.

7મી નવેમ્બરે મોકલ્યો હતો ધમકીભર્યો મેસેજ

ઉલ્લેખનીય છે કે 7 નવેમ્બરે મુંબઈ ટ્રાફિક પોલીસને એક ધમકીભર્યો મેસેજ મળ્યો હતો, જેમાં કહેવામાં આવ્યું હતું કે જો 5 કરોડ રૂપિયા નહીં આપવામાં આવે તો સલમાન અને સોહેલને મારી નાખવામાં આવશે. આ મામલામાં વર્લી પોલીસ સ્ટેશનમાં એફઆઈઆર નોંધવામાં આવી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ