દબંગ ખાન અને ભાઇજાનથી ફેમસ એવા બોલિવુડ સુપરસ્ટાર સલમાન ખાને તાજેતરમાં જ પોતાનો 54મો બર્થ ડે સેલિબ્રેટ કર્યો. સલમાન ખાને બર્થ ડેનું સેલિબ્રેશન ફેમિલીની સાથે કર્યુ હતુ. સલમાન ખાનની આ સેલિબ્રેશન પાર્ટીમાં બોલિવુડના ઘણા સેલેબ્સ હાજર રહ્યા હતા.
આ સિવાય સલમાન પોતાના બર્થ ડે પર બીજી વખત મામા બાન્યો છે. તેની બહેન અર્પિતાએ દીકરીને જન્મ આપ્યો છે. દીકરીનું નામ આયાત રાખવામાં આવ્યું છે. અર્પિતાના પતિ આયુષ શર્માએ ઇન્સ્ટાગ્રામ પર આ વાત શેર કરી હતી.
આ બધાની જ વચ્ચે સલમાનના હજારો ફેન્સ બર્થ ડેની શુભકામનાઓ આપવા માટે તેના ઘરની વચ્ચે પહોંચ્યા હતા. સલમાન દર વર્ષે પોતાની બર્થડે પર ફેન્સને મળવા માટે બાલ્કનીમાં આવે છે, કાલે જ્યારે સલમાન પોતાના ફેન્સને મળ્યો તો તેમની સાથે હાથ મેળવીને આભાર માન્યો. આ વચ્ચે સલમાનની આંખોમાં આંસૂ આવી ગયા. સલમાન જોઇને ભાવુક થઇ ગયો કે તેને હજારો લોકો પ્રેમ કરે છે.
ફેન્સની સાથે મળતો સલમાનના ફોટોઝ અને વીડિયોઝ સોશ્યલ મીડિયા પર વાયરલ થઇ રહ્યા છે. સલમાને મીડિયાની સાથે પોતાની બર્થ ડે કેક પણ કટ કરી. જ્યારે સલમાન મીડિયાની સામે આવ્યો ત્યારે તમામે તેણે મામા બનવાની પણ શુભકામનાઓ આપી. આ ખાસ સમયે સલમાને કહ્યુ કે, ''જ્યારે ઉંઘીને ઉઠ્યો ત્યારે મેં ફોનમાં સૌથી પહેલા આયાતની ફોટો જોઇ, અમારા પરિવાર માટે આનાથી મોટી ભેટ કોઇ ના હોઇ શકે.''
સલમાન બીજી વખત મામા બન્યો છે. આ સમયે તેણે કહ્યુ કે, ''હવે મામા બની ગયો, કાકા બની ગયો હવે બાપ બનવાનું જ બાકી રહ્યુ છે.'' અર્પિતાએ પોતાની દિકરીનું નામ આયાત રાખવા પર સલમાને જણાવ્યુ કે, ''તેમના પરિવારને બે નામ વિચારીને રાખ્યા હતા, સિફારા અને આયાત. અર્પિતાએ આયાત પસંદ કર્યુ.''
સલમાને આગળ જણાવ્યુ કે, ''આ નામ પિતા સલીમ ખાને પોતાના દિકરા અને દિકરી માટે વિચાર્યા હતા. તેઓ કહેતા હતા કે, આ બંને નામ જ મારા દિકરા અને દિકરી માટે વિચાર્યા હતા.''
ઉલ્લેખનીય છે કે, અર્પિતાના પતિ અને એક્ટર આયુષ શર્માએ ઇન્સ્ટાગ્રામ પર આ વાત શેર કરી હતી. અર્પિતા અને આયુષનો પહેલા એક દિકરો છે જેનું નામ આહિલ છે.