મદદ / ગરીબોની મદદ માટે ફરી આગળ આવ્યો સલમાન, પૂરગ્રસ્ત ગામમાં 70 ઘર બનાવશે

• સલમાન ખાને ફરી દેખાડી દરિયાદિલી
• સલમાન હમેશાં જરૂરિયાતમંદોની મદદ કરવા આગળ રહે છે
• હવે પૂરને કારણે નાશ પામેલા લગભગ 70 મકાનોને ફરીથી બનાવવાનું કામ કરે સલમાન

મહારાષ્ટ્રના મંત્રીએ ટ્વિટ કર્યું 

મહારાષ્ટ્રના મંત્રી રાજેન્દ્ર પાટીલે ટ્વિટ કરીને સલમાન ખાને આપેલાં વચનને પૂરો કરવા વિશે માહિતી આપી. આ સાથે તેમણે મહારાષ્ટ્રના કોલ્હાપુર જિલ્લાના ખિદ્રાપુર ગામમાં મકાનોનો પાયો નાખવાની કેટલીક તસવીરો પણ શેર કરી છે.

खिद्रापूर ता. शिरोळ येथील महापुरात पडझड झालेल्या घरांची पुर्नबांधणी करण्यासाठी एलान फाऊंडेशन (दिल्ली) व अभिनेते सलमान खान यांनी जबाबदारी घेतलेल्या ७० घरांच्या पायाभरणीचा शुभारंभ पार पडला. pic.twitter.com/clDOWvp3xE

— Rajendra Patil Yadravkar (@yadravkar) August 25, 2020

લોકડાઉનમાં જરૂરિયાતમંદોની મદદ કરી

લોકડાઉન દરમિયાન સલમાન ખાન તેના પનવેલ ફાર્મહાઉસમાં હતો. આ દરમિયાન તેણે અભિનેત્રી જેકલીન ફર્નાન્ડિઝ સાથે 'તેરે બિના' સોન્ગ શૂટ કર્યું હતું. આ સોન્ગને તેના ચાહકો દ્વારા ખૂબ પસંદ આવ્યું હતું. લોકડાઉન દરમિયાન સલમાન ખાને જરૂરિયાતમંદોને દિલ ખોલીને મદદ કરી હતી.

સલમાનની આગામી ફિલ્મો

વર્કફ્રન્ટની વાત કરીએ તો સલમાન ખાન હવે ડિરેક્ટર પ્રભુદેવની ફિલ્મ 'રાધે: યોર મોસ્ટ વોન્ટેડ ભાઈ'માં જોવા મળશે. કોરોના વાયરસને કારણે આ ફિલ્મની રિલીઝ ડેટ પોસ્ટપોર્ન કરી દેવામાં આવી છે. આ ફિલ્મમાં સલમાન ખાન ઉપરાંત જેકી શ્રોફ, દિશા પટની અને રણદીપ હુડ્ડા પણ છે. સલમાન ખાન 'રાધે: યોર મોસ્ટ વોન્ટેડ ભાઈ' ફિલ્મ ઉપરાંત 'કભી ઈદ કભી દિવાળી' અને 'કિક 2' જેવી ફિલ્મોમાં જોવા મળશે.