બિગ બોસ ઓટીટી શોના બીજા સિઝનને લઇ જબરદસ્ત ચર્ચા શરુ થઇ ગયુ છે. હાલમાં જ સલમાન ખાન નવો પ્રોમો વીડિયોમાં એન્થમ ગાતો નજરે પડ્યો છે, જુઓ વીડિયો
બિગ બોસ ઓટીટીની પહેલી સિઝન કરણ જોહરે હોસ્ટ કરી હતી
સલમાન ખાને ગાયુ બિગ બોસ ઓટીટીનું એન્થમ
17 જૂનથી જિયો સિનેમા પર જોવા મળશે આ શો
Bigg Boss OTT: બોલિવુડ સુપરસ્ટાર સલમાન ખાનના શો બિગ બોસની જબરદસ્ત સફળતાને જોતા જ 2023માં બિગ બોસ OTTની શરુઆત થઇ ગઇ છે. આ શોમાં ઘણા સારા કન્ટેસ્ટેંટએ પાર્ટિસિપેટ કર્યુ અને પર્ફોમ પણ કર્યુ. પરંતુ બિગ બોસ ઓટીટીના ફર્સ્ટ સિઝનમાં હોસ્ટની કમાન સલમાનને નહીં પરંતુ કરણ જોહરે સંભાળી હતી. પરંતુ હવે આ શોમાં સલમાન ખાનની વાપસી થઇ રહી છે. શોના બીજા સિઝનને લઇ જબરદસ્ત ચર્ચા શરુ થઇ ગયુ છે. હાલમાં જ સલમાન ખાન નવો પ્રોમો વીડિયોમાં એન્થમ ગાતો નજરે પડ્યો છે.
સલમાન ખાને ટ્વિટર પર એક વીડિયો શેર કર્યો છે જેમાં તે બિગ બોસ ઓટીટીનું એન્થમ ગાતો જોવા મળી રહ્યો છે. આ એન્થમ ખૂબ જ દમદાર દેખાઈ રહ્યું છે અને બિગ બોસ પણ OTT 2 સંબંધિત લેટેસ્ટ અપડેટ્સ આપી રહ્યું છે. વીડિયોમાં તે ધ્યાનથી ગાતો જોવા મળી રહ્યો છે. આ દરમિયાન તે વ્હાઇટ કલરના આઉટફિટમાં છે અને પૂરા જોશથી ડાન્સ કરી રહ્યો છે.
સલમાને ગાયુ એન્થમ
વીડિયોની સાથે સલમાન ખાને કેપ્શનમાં લખ્યું- આ ગયા હૂં મેં લેકર બિગબોસ ઓટીટીનું એન્થમ. કોની લાગશે, કોની બચશે, આ તમારા પાવરમાં. કારણ કે આ વખતે જનતા જ અસલી બોસ છે. આ ગીત @raftaarmusic દ્વારા લખવામાં આવ્યું છે, કંપોઝ કરવામાં આવ્યું છે અને ગાયું છે. તમે તેને 17 જૂનથી Jio સિનેમા પર ફ્રીમાં જોઈ શકો છો.
ફેન્સ કરી રહ્યા છે સલમાનના સિંગિગના વખાણ
સલમાન ખાને આ વીડિયો શેર કરતાની સાથે જ ફેન્સમાં ભારે ઉત્સુકતા જોવા મળી રહી છે. એક વ્યક્તિએ કેપ્શનમાં લખ્યું - વાહ સલમાન ભાઈ, અમે રાહ જોઈ શકતા નથી. અન્ય એક વ્યક્તિએ લખ્યું- લવ યુ સલમાન ખાન. કીપ શાઇનિંગ. જણાવી દઈએ કે સલમાન ખાન હવે માત્ર એક અભિનેતા નથી રહ્યો, પરંતુ તે પોતાની ગાયકીથી પણ ચાહકોને આકર્ષિત કરે છે. બિગ બોસ ઓટીટીની પ્રથમ સીઝન સફળ રહી હતી, પરંતુ હવે બીજી સીઝન કેટલી શાનદાર છે તે જોવું રસપ્રદ રહેશે.