શાહરૂખ ખાન અને સલમાન ખાન ફરી એકવાર મેદાનમાં આવી ગયાં છે. બંને એક્ટરર્સ પોતાની નવી ફિલ્મના ટીઝર એકસાથે રિલીઝ કરવા જઇ રહ્યાં છે ત્યારે સ્વાભાવિક છે કે બોક્સ ઓફિસનાં આ યુદ્ધમાં બંનેને એકબીજાની ટક્કર મળી શકે છે.
શાહરૂખ સલમાન વચ્ચે થશે ટક્કર
ભારત-પાકિસ્તાન મેચના દિવસે જ રિલીઝ થશે ટિઝર
શાહરૂખ અને ભાઇજાન એકબીજાની પિક્ચરમાં કેમિયો કરશે
બોલિવૂડ બાદશાહ શારરૂખ ખાન અને ભાઇજાન સલમાન ખાન વચ્ચે ક્લેશ થવાનો છે તેવી માહિતી મળી રહી છે. બંનેની ફિલ્મ, પઠાન અને કિસી કા ભાઇ કિસી કી જાન એકબીજાની સામે આવશે. પાકિસ્તાન અને ભારત વચ્ચે જે દિવસે ટી-20 મેચયુદ્ધ થવાનું છે તે જ દિવસે આ બંને એક્ટર્સની ફિલ્મના ટીઝર રિલીઝ થવાના છે. ત્યારે બંને વચ્ચે તગડી કોમ્પિટીશન અને ગરમ માહોલ રચાઇ શકે છે.
શાહરૂખ અને ભાઇજાન એકબીજાની પિક્ચરમાં કેમિયો કરશે
સુપરસ્ટાર શાહરૂખખાનની અપકમિંગ ફિલ્મ પઠાનમાં સલમાન ખાન અને ભાઇજાન સલમાન ખાનની ફિલ્મ કિસી કા ભાઇ કિસી કી જાનમાં શાહરૂખ ખાન કેમિયો કરવાનાં છે. કેમિયો રોલ એટલે કે માત્ર થોડી ક્ષણો કે માત્ર એકાદ- બે સિન્સ માટે કલાકારોનું ગેસ્ચ એપિયરન્સ. હવે જ્યારે આ બંને કલાકારો બોક્સ ઓફિસની રેસમાં એકસાથે ઊતરી ગયાં છે ત્યારે બંને શા માટે એકબીજાની ફિલ્મમાં કેનિયો રોલ કરવાનાં છે તે તો સમય જ જણાવશે.
શાહરૂખ-દિપીકા ફરી એકસાથે મોટાં પડદા પર
યશરાજ ફિલ્મસના બેનર નીચે બની રહેલી આ ફિલ્મમાં શાહરૂખ ખાનની સાથે દિપીકા પાદુકોણ અને જૉન એબ્રાહમ મુખ્ય ભૂમિકા ભજવવાનાં છે. સિદ્ધાર્થ આનંદના ડાઇરેક્શનમાં બની રહેલી આ ફિલ્મ 25 જાન્યુઆરી 2023નાં હિન્દી, તમિલ અને તેલુગૂ ભાષામાં રિલીઝ થશે.
બોક્સ ઑફિસ પર ધમાલ મચાવવા સલમાન રેડી
ભાઇજાનની નવી ફિલ્મ કિસી કા ભાઇ કિસી કી જાન 30 ડિસેમ્બર, 2022નાં રોજ સિનેમાઘરમાં નજરે પડશે ત્યારે તેમની ફિલ્મમાં પહેલીવાર પૂજા હેગડે દેખાશે. ફરહાદ સામજી દ્વારા નિર્દેશિત આ ફિલ્મમાં વેંકટેશ દગ્ગુબાતી, રામ ચરણ, જસ્સી ગિલ, શહનાઝ ગિલ, પલક તિવારી વગેરે જાણીતા ચહેરા નજરે પડશે.