સલમાન ખાનની 'ભારત' ઇદના ખાસ મૌકા પર રિલીઝ થઇ ગઇ છે. ફિલ્મે પહેલા જ દિવસે શાનદાર શરૂઆત કરી દીધી છે.
ફિલ્મે પહેલા દિવસે 42.30 કરોડ રૂપિયાની કમાણી કરી છે તો બીજા દિવસે 31 કરોડ રૂપિયાની કમાણી કરી છે, જોકે પહેલા દિવસની સરખામણીએ બીજા દિવસની કમાણી ઓછી થઇ ગઇ છે. વાસ્તવમાં ઇદ પર ધમાલ મચાવવી સાથે સાથે સલમાન ખાને 2020 ઇદની પણ તૈયારી કરી દીધી છે. આ ઇદ પર બિગ સ્ક્રીન પર સલમાનનો સાથ કેટિરનાએ આપ્યો તો ઇદ 2020માં સલમાનનો સાથ બબલી ગર્લ આલિયા ભટ્ટ આપી શકે છે.
IT'S OFFICIAL... Salman Khan and Sanjay Leela Bhansali... #Inshallah release date finalized: #Eid 2020... SLB teams up with Salman after a long gap... #Inshallah stars Salman and Alia Bhatt. #Eid2020
જી હા, સલમાન ખાન 2020 ઇદમાં ફિલ્મ 'ઇન્શાઅલ્લાહ' લાવવાની તૈયારીમાં લાગી ગયો છે. મીડિયા રિપોર્ટ્સ અનુસાર, આ ફિલ્મનું ડિરેક્શન સંજય લીલા ભણસાલી કરશે. તો ફિલ્મમાં સલમાન ખાન પહેલી વખત આલિયા ભટ્ટ સાથે જોવા મળશે. તમને જણાવી દઇએ કે, 'ઇન્શાઅલ્લાહ' ની સાથે જ 'દંબગ 3' પણ સલમાન ખાન ની અપકમિંગ ફિલ્મોની લિસ્ટમાં ટૉપ પર છે.
#Bharat puts up a big total on Day 2 [working day after #Eid holiday]... Plexes saw normal decline, while single screens held fort... Saw excellent occupancy in evening/night shows... Overall, 2-day total is superb... Wed 42.30 cr, Thu 31 cr. Total: ₹ 73.30 cr. India biz.
સલમાન-કેટરિના ની 'ભારત' એ કુલ 73.3 કરોડ રૂપિયાની કમાણી કરી છે. આ વિકેન્ડમાં કમાણી વધી શકે તેવી આશા છે. ટ્રેન્ડ નિષ્ણાતો અનુસાર ફિલ્મ વિકેન્ડ સુધીમાં 100 કરોડ ક્લબમાં શામેલ થઇ જશે.
સલમાનની ભારતની પહેલા દિવસની કમાણી ફિલ્મ ‘પ્રેમ રતન ધન પાયો’ (40.35 કરોડ), ‘સુલતાન’ (36.54 કરોડ) અને ‘ટાઈગર ઝિંદા હૈ’ (34.10 કરોડ) ફિલ્મના પહેલા દિવસ કરતા વધારે છે. ફિલ્મ 2019ની ઓપનિંગ ડે પર સૌથી વધારે કમાણી કરનારી ફિલ્મ બની ગઇ છે. સલમાનની દિવાનગી પર ટીમ ઇન્ડિયા અને સાઉથ આફ્રિકાની મેચની પણ કોઇ અસર ન થઇ.
તમને જણાવી દઇએ કે, ઇદ પર સલમાન ખાન દ્વારા પોતાની ફિલ્મ રિલીઝ કરવાની શરૂઆત 2009થી ફિલ્મ 'વૉન્ટેડ'થી થઇ. આ પછી સલમાન જ્યારે પણ પોતાની ફિલ્મો ઇદ પર રિલીઝ કરે તે બ્લૉકબસ્ટર જ સાબિત થતી આવી છે. 2009 પછી ઇદ પર પોતાની ફિલ્મો રિલીઝ કરવાનું સલમાને 2016 સુધી જારી રાખ્યુ. આ વચ્ચે 'દંબગ', 'બોડીગાર્ડ', 'એક થા ટાઇગર', 'કિક', 'બજરંગી ભાઇજાન', 'સુલ્તાન' એ શાનદાર કમાણી કરી અને સલમાનનો કરિયરનો ગ્રાફ સતત વધતો ગયો. પરંતુ સલમાનની 2 ફિલ્મો 'ટ્યૂબલાઇટ' અને 'રેસ 3' ખાસ કમાલ ના કરી શકી. જોકે ફિલ્મોએ કમાણી તો કરી પરંતુ ઓડિયન્સ અને ક્રિટિક્સને ખુશ ના કરી શકી. તો હવે જોવાનું રહ્યુ કે, સલમાન કેટરિનાની 'ભારત' 500 કરોડના ક્લબમાં શામેલ થાય છે કે નહીં.