બોલિવૂડના ટેલેન્ટેડ અભિનેતા સતીશ કૌશિક દુનિયાને અલવિદા કહી દીધું. 66 વર્ષની વયે અચાનક સતીશ કૌશિકનું નિધન દરેક માટે મોટા આંચકા સમાન છે. કાર્ડિયાક અરેસ્ટને કારણે સતીશ કૌશિકનું નિધન થયું હતું.
તમામ સ્ટાર્સ અભિનેતાના અંતિમ દર્શન કરવા પહોંચ્યા
અનુપમ ખેર મિત્ર સતીશ કૌશિકના નિધન પર રડી પડ્યા હતા
સલમાન ખાન કારમાં બેસીને આંસુ છુપાવતો જોવા મળી રહ્યો છે
9 માર્ચનો દિવસ સિનેજગત માટે બ્લેક ડે સાબિત થયો. બોલિવૂડના ટેલેન્ટેડ અભિનેતા સતીશ કૌશિક દુનિયાને અલવિદા કહી દીધું. 66 વર્ષની વયે અચાનક સતીશ કૌશિકનું નિધન દરેક માટે મોટા આંચકા સમાન છે. કાર્ડિયાક અરેસ્ટને કારણે સતીશ કૌશિકનું નિધન થયું હતું. ગુરુવારે દિલ્હીની હોસ્પિટલમાં પોસ્ટમોર્ટમ બાદ અભિનેતાના મૃતદેહને અંતિમ સંસ્કાર માટે મુંબઈ લાવવામાં આવ્યો હતો.
અનુપમ ખેર, અભિષેક બચ્ચન, શહનાઝ ગિલ, શિલ્પા શેટ્ટી સહિતના તમામ સ્ટાર્સ અભિનેતાના અંતિમ દર્શન કરવા પહોંચ્યા. બીજી તરફ અનુપમ ખેર મિત્ર સતીશ કૌશિકના નિધન પર રડી પડ્યા હતા. જ્યારે સલમાન ખાન પણ ભાવૂક થયો હતો.
ઈમોશનલ થયેલો સલમાન ખાન સતીશ કૌશિકનો ખાસ મિત્ર હતો. તેઓ જિંદગીને ખુલીને જીવવા માંગતા હતા. કદાચ આ જ કારણ છે કે દરેક લોકો તેમની સાથે જોડાયેલા હોય તેવો અનુભવ કરતા હતા. અભિનેતાના અંતિમ દર્શન કરવા પહોંચેલો સલમાન ખાન પણ પોતાનું દર્દ છુપાવી શક્યો નહોતો. સલમાન ખાનનો આ વીડિયો સોશિયલ મીડિયા પર વાયરલ થઈ રહ્યો છે. વીડિયોમાં સલમાન ખાન કારમાં બેસીને પોતાના આંસુ છુપાવતો જોવા મળી રહ્યો છે.
સલમાન ખાન અને સતીશ કૌશિક વચ્ચે ખાસ બોન્ડીંગ હતું. એટલે તેમની વિદાય પર ભાવુક થતા પોતાને રોકી શક્યો નહી. એક તરફ સતીશ કૌશિકની છેલ્લી વિદાય અને બીજી તરફ સલમાનનું ભાવુક થવુ. આ જોઈને બધાને લાગી આવ્યું હતું. વિશ્વાસ નથી થતો કે સતીશ કૌશિક જે જાવેદ અખ્તરની હોળી પાર્ટી માણી રહ્યા હતા તે દરેકને આ રીતે રડાવીને જશે.
સતીશ કૌશિકે 2003માં રિલીઝ થયેલી તેરે નામ માટે સલમાન ખાનને લીડ એક્ટર તરીકે કાસ્ટ કર્યો હતો. તેરે નામ બોલિવૂડની સુપરહિટ ફિલ્મોમાંથી એક છે.
સતીશ કૌશિકના પરિવારમાં તેમની પત્ની શશી કૌશિક અને 11 વર્ષની પુત્રી વંશિકા છે. વંશિકા પહેલા સતીશ કૌશિકને એક પુત્ર હતો, પરંતુ ર 2 વર્ષની ઉંમરે મૃત્યુ પામ્યો હતો. પુત્રના મૃત્યુથી સતીશ કૌશિક અંદરથી ભાંગી પડ્યા હતા. તેની ગેરહાજરી તેને હંમેશા સતાવતી હતી, પરંતુ તેમણે હંમેશા પોતાના હાસ્યથી પોતાના હૃદયમાં છુપાયેલી પીડાને દબાવી દિધી હતી.
હિંદી સિનેમામાં કેટલા એક્ટર ડાયરેક્ટર આવશે અને જશે પરંતુ ભાગ્યે જ સતીશ કૌશિકની કમી પૂરી કરી શકાશે.