અજય દેવગન અને સલમાન ખાન બીજી કોઇ વાતમાં સરખા હોય કે ન હોય, પરંતુ આ બંને સ્ટાર એક સામ્યતા ધરાવે છે.
અજય દેવગન બોલિવુડના એ સ્ટારમાં સામેલ છે જેને ફિલ્મમાં કિસિંગ સીન કરવો પસંદ નથી. તેણે પોતાની અત્યાર સુધીની આટલી મોટી કારકિર્દીમાં માત્ર એકાદ ફિલ્મમાં જ કિસીંગ સીન આપ્યો હશે. તેનો હંમેશા પ્રયત્ન હોય છે કે તે સિલ્વર સ્ક્રીન કિસ સીન ન કરે.
એક ઇન્ટરવ્યુમાં અજયે જણાવ્યુ કે, ''હું મોટાભાગે ફેમિલી ફિલ્મો કરુ છુ. જે ફેમિલી ઓડિયન્સને ધ્યાનમાં રાખીને બનાવવામાં આવે છે. આ કારણે કિસ સીન કે એક હદથી વધુ ઇન્ટીમસી દેખાડી શકાતી નથી. મને પોતાને પણ ફિલ્મો પરિવાર સાથે જોવી ગમે છે અને મારા ખ્યાલથી લોકો ફેમિલી સાથે જ ફિલ્મો જોવા જવાનું પસંદ કરતા હોય છે. ફિલ્મોમાં બોલ્ડ સીન બતાવવા તેમના માટે અસહજ થઇ શકે છે. ખાસ કરીને ત્યારે જ્યારે તમે તમારા બાળકો અથવા ઘરના કોઇ વડીલ સાથે ફિલ્મ જોઇ રહ્યા હોસ આજ કારણે હું કિસ સીનથી દુર રહેવાનું પસંદ કરુ છુ.''
અજય ઉપરાંત સલમાન ખાન પણ આવી જ વ્યક્તિ છે. સલમાન અને અજય બંને આ વાતમાં એક સરખો મત ધરાવે છે. તાજેતરના એક ઇન્ટરવ્યુમાં સલમાન ખાને ફરી વાર કહ્યુ હતુ કે, મને ફિલ્મોમાં કિસિંગ અને નગ્નતા જરાય પસંદ નથી.
એક સમય હતો જ્યારે ફિલ્મ સાઇન કરતી વખતે બોલિવુડનો કિંગ ખાન બે શરત રાખતો હતો. એક તો એ કે તે ‘કિસ’ નહીં કરે અને બીજી તે ઘોડા પર નહીં બેસે. જોકે વખત જતા તેણે આ શરતનો ભંગ કર્યો છે. શાહરૂખે ‘જબ તક હે જાન’માં કેટરિના અને ‘જબ હેરી મેટ સેજલ’માં અનુષ્કા શર્મા સાથે કિસિંગ સીન આપ્યા હતા.