વેદના / બાળકોનું પેટ ભરવા માત્ર 150 રૂપિયા માટે માતાએ કરવું પડ્યું આ કામ, જાણીને આંખો ભીની થઈ જશે

• પતિએ દેવામાં ડુબી 8 મહિના પહેલા આત્મહત્યા કરી લીધી હતી
• મહિલાએ મુંડન કરાવી વાળ વેચ્યાં હતાં
• એક માતાની મજબૂરીનો હચમચાવી દેનારો કિસ્સો

માથાનાં વાળ વેચી નાંખ્યાં

તમિલનાડુની એક વિધવા મહિલાએ પોતાના બાળકોનું પેટ ભરવા મુંડન કરાવી માથાનાં વાળ વેચી નાંખ્યાં. વાળથી જે પૈસા મળ્યાં તે પૈસાથી તેણે ભૂખ્યા બાળકોનું પેટ ભર્યું. એટલું જ નહીં પણ તે રોજ રોજની સમસ્યાથી હેરાન થઈને આત્મહત્યા કરવાનું નક્કી કર્યું પરંતુ તે શક્ય ન બન્યું.

પતિએ દેવામાં ડુબીને સાત મહિનાં પહેલા આત્મહત્યા કરી

મળતી માહિતી અનુસાર તમિલનાડુનાં સલેમમાં રહેતા 31 વર્ષીય પ્રેમા નામની મહિલા તેનાં 3 ભૂખ્યાં બાળકોનું પેટ ભરવા માટે માથાનાં વાળ વેચી નાંખ્યા. તેનાં પતિએ દેવામાં ડુબીને સાત મહિનાં પહેલા આત્મહત્યા કરી લીધી હતી. 

પડોશીએ મદદ કરવાની જગ્યાએ કહ્યું એવું કે

પ્રેમાને 5, 3 અને 2 વર્ષનાં ત્રણ માસુમ બાળકોનું પેટ ભરવા માટે પડોશીઓ પાસે ઉઘાર પૈસા પણ માંગ્યા હતાં પરંતુ તેમણે ઉધાર આપવાની ના પાડી દીધી હતી. કેટલાક લોકોએ એમ કહ્યું કે આજે શુક્રવારે છે આજે ઉધાર આપવું અપશુકન માનવામાં આવે છે. 

આત્મહત્યા કરવાનો પ્લાન હતો, પરંતુ એવું શક્ય ન બન્યું

પ્રેમાએ પોતાના માથાનાં વાળ વેચી ભૂખ્યા બાળકોનું પેટ તો ભર્યું પરંતુ બીજા દિવસની ચિંતાને કારણે આત્મહત્યા કરવાનો નિર્ણય કર્યો હતો. તેણે વધેલા પૈસાથી ઝેરી જંતુનાશક દવા ખરીદવાનો પ્રયાસ કર્યો હતો પરંતુ દુકાનદારે શંકા થતાં તેણે દવા આપી નહોતી.

લોકોએ કર્યું આવું

એટલું જ નહીં આ બાદ તેણે ઝેરી પાંદડા ખાવાનો પ્રયાસ કર્યો પરંતુ તેની બહેને તેને રોકી લીધી હતી. તેની આ વ્યથા અંગે એક ગ્રાફિક ડિઝાઈનરને જાણકારી મળી ત્યારે તેણે ક્રાઉડ ફંડિગનાં માઘ્યમથી આ મહિલાને મદદ કરવાની અપીલ કરી હતી. આ ઘટનાની જાણકારી થતાં ક્રાઉડ ફંડિગથી 1.45 લાખ રુપિયા મળ્યા હતા. આ ઉપરાંત સલેમ જિલ્લા અધિકારીઓએ તેને વિધવા પેન્શન પણ આપ્યું છે.