જહાજની જળસમાધિ / દુર્ઘટનાનો VIDEO: દ્વારકાના મધદરિયે 400 ટનનું જહાજ ડૂબ્યું, ખલાસીઓ જીવ બચાવવા માટે દરિયામાં કૂદ્યા

• સલાયાના વહાણની ભારતીય સમુદ્રમાં જળ સમાધિ
• ગોષે જીલાની નામનુ વહાણ પોરબંદર આવતા રસ્તામાં ડૂબ્યું
• વહાણમાં સવાર 6 ખલાસીઓનું રેસ્ક્યૂ

સલાયા બંદરનું ગોષે જીલાની નામનું માલવાહક જહાજ પોરબંદર માટે રવાના થયું હતું. આ દરમિયાન મધદરિયે 400 ટન વજનનું જહાજ ડૂબ્યું હતું. આ ઘટનાની જાણ કોસ્ટગાર્ડને કરવામાં આવી હતી. કોસ્ટગાર્ડની ટીમ તાત્કાલિક મદદે આવી પહોંચી હતી. ડૂબતા જહાજમાંથી 6 ખલાસીઓને બચાવી લીધા હતા. ખલાસીઓના પરિવારજનો અને જહાજ માલિકે રાહતનો શ્વાસ લીધો છે. જહાજ ડૂબવાનું કારણ હજુ સુધી સામે આવ્યું નથી.

જહાજ ડૂબવા લાગતા છ ખલાસીઓ તરાપાના સહારે દરિયામાં કૂદી પડ્યા હતા. જેની જાણ નજીકમાંથી પસાર થઇ રહેલા અન્ય જહાજ દ્વારા તમામ ખલાસીઓને બચાવી લેવામાં આવ્યા હતા. આ જહાજ ડૂબવા અને બચાવ કામગીરીનો વીડિયો પણ સામે આવ્યો છે.