જો તમે પણ તહેવારની સીઝનમાં ખૂબ જ શોપિંગ કરી ચુક્યા છો અને બેન્કમાં બેલેન્સ ઓછું થઈ ગયું છે તો ટેન્શન ન લો. આ રીતે એક્સ્ટ્રા પૈસા કાઢો.
તહેવારોની સીઝન ચાલી રહી છે અને આ સીઝનમાં લોકો ખૂબ ખરીદી કરે છે. વધતી મોંઘવારીના કારણે ઘણી વખત શોપિંગથી લોકોનું બજેટ બગડી જાય છે. એવામાં તમારે પોતાની સેવિંગમાં મેનેજ કરવું પડે છે. પરંતુ ફક્ત એક તહેવારની શોપિંગ માટે એફડી તોડાવવી, એલઆઈસીના પૈસા ન કાઢવા જોઈએ. એવામાં તમારી પાસે એક જ સારો વિકલ્પ છે જેનાથી તમે સારી ખરીદારી પણ કરી શકશો અને સેવિંગ્સ પણ નહીં તોડવી પડે.
સેલેરી ઓવરડ્રાફ્ટ છે સારો વિકલ્પ
સેલેરી ઓવરડ્રાફ્ટ તામારા માટે તહેવારની સીઝનમાં સારો ઓપ્શન હોઈ શકે છે. જો તમે નોકરી કરો છો તો જાણી લો કે બેન્ક પોતાના ગ્રાહકોને ઓવરડ્રાફ્ટની સુવિધા આપે છે. આ સુવિધા હેઠળ તમે ખાતામાં રહેલી રકમથી વધારે બેન્કમાંથી ઉપાડી શકો છો. તેમાં તમારી સેલેરીથી લગભગ ત્રણ ગણા વધારે પૈસા બેન્ક પાસેથી લઈ શકાય છે. એટલે કે તમારા ખાતામાં ભલે બેલેન્સ ના હોય, પરંતુ તમે વધારે પૈસા ઉપાડી શકો છો.
શું હોય છે સેલેરી ઓવરડ્રાફ્ટ
સેલેરી ઓવરડ્રાફ્ટ બેન્કની તરફથી આપવામાં આવતી એક લોન છે જે તમારા રેકોર્ડને જોઈને આપવામાં આવે છે. જે હેઠળ લોનના પૈસા પરત આપતી વખતે તમારે વ્યાજ ચુકવવું પડે છે. પરંતુ તેનું વ્યાજ ક્રેડિટ કાર્ડથી સસ્તુ હોય છે અને દર મહિને એકથી ત્રણ ટકા વ્યાજ ચુકવવું પડી શકે છે.
ઓવરડ્રાફ્ટ સુવિધાનો લાભ
જો કોઈ વ્યક્તિના બેન્ક એકાઉન્ટમાં પૈસા નથી તો પણ તેને એક લિમિટ સુધી પૈસા કાઢવાની પરવાનગી હોય છે. આ પૈસા તમને ઘર, એફડી અથવા ઈન્શ્યોરન્સ પોલિસીને કોલેટરલ રાખ્યા બાદ મળી શકે છે. આટલું જ નહીં. હવે તમે ઈક્વિટી દ્વારા પણ ઓવરડ્રાફ્ટ સુવિધાનો લાભ લઈ શકો છો. તેના પર કોઈ ઈન્ટરેસ્ટ-ફ્રી પીરિયડ નથી હોતો. તમે જે દિવસથી ઓવરડ્રાફ્ટ સુવિધા માટે પૈસા ઉપાડશો તે સમયથી વ્યાજ અને ફીસ જોડાવવાનું શરૂ થઈ જાય છે.
પૈસા ઉપાડવા પણ છે સરળ
તમને જણાવી દઈએ કે આ ઓવરડ્રાફ્ટ પ્રી-અપ્રૂવ્ડ હોય છે અને તેની લિમિટ ફિક્સ હોય છે. તમે કોઈ પણ સમયે તેની લિમિટ સુધી પૈસા મિનિટોમાં ઉપાડી શકો છો. જોકે દરેક બેન્કના પોતાની અલગ અલગ નિયમો છે. ઓવરડ્રાફ્ટ સુવિધા માટે દર મહિને તમને 1થી 3 ટકા વ્યાજ આપવામાં આવે છે. એટલે કે આ લોન પર તમને વાર્ષિક 12થી 30 ટકા વ્યાજ ચુકવવાનું હોય છે.