ફાયદાની વાત / પ્રાઈવેટ નોકરી કરતા લોકો માટે ખુશખબર! આવતા વર્ષે બમ્પર પગાર વધારો મળશે, જાણો કઈ રીતે

• ગયા વર્ષે સરેરાશ 8 ટકા પગાર વધારો હતો 
• આ વર્ષે 8.6 ટકા સરેરાશ વધી શકે પગાર 
• સર્વેમાં થયો ખુલાસો

કોર્પોરેટ ઈન્ડિયાએ 2021માં પોતાના કર્મચારીઓની સરેરાસ 8 ટકાના પગાર વધારો કર્યો અને શરૂઆતી અનુમાનો દ્વારા જાણકારી આપવામાં આવી રહી છે કે 2022 માટે સરેરાસ પગાર વધારો 8.6 ટકા સુધી કરવામાં આવી શકે છે. જે એક સ્વસ્થ્ય અર્થવ્યવસ્થા અને આત્મવિશ્વાસમાં સુધારના અનુરૂપ છે. એક સર્વેમાં આ વાત સામે આવી છે. જેના અનુસાર 92 ટકા કંપનીઓએ 2020માં ફક્ત 4.4 ટકાની તુલનામાં 2021માં સરેરાશ 8 ટકાની વેતન વૃદ્ધિ કરી. 2020માં ફક્ત 60 ટકા કંપનીઓએ પોતાના કર્મચારીઓને પગાર વધારો આપ્યો હતો. 

સર્વેમાં કહેવામાં આવ્યું કે 2022માં સરેરાશ વેતન વૃદ્ધિ વધારીને 8.6 ટકા થવાની આશા છે જે 2019ની મહામારીના પહેલા સ્તરના બરાબર રહેશે. સર્વેક્ષણમાં શામેલ લગભગ 5 ટકા કંપનીઓએ 2022 વખતે મોટો પગાર વધારો કરવાનું અનુમાન લગાવ્યું છે. 

સર્વેમાં 450થી વધુ કંપનીઓ શામેલ 
2021 કાર્યબળ અને પગાર વધારા સર્વેક્ષણ જુલાઈ 2021માં શરૂ કરવામાં આવ્યું હતું. આ સર્વેક્ષણમાં સૌથી પહેલા અનુભવી માનવ સંસાધન પ્રોફેશનલ પાસે તેમનું મંતવ્ય કરવામાં આવ્યું. સર્વેક્ષણમાં 450થી વધુ કંપનીઓ શામેલ હતી.  

સર્વે અનુસાર કંપનીઓ કૌશલ અને પ્રદર્શનના આધાર પર વેતન વૃદ્ધિમાં અંતર કરવાનું ચાલુ રાખશે અને સૌથી સારૂ પ્રદર્શન કરનાર કર્મચારી સરેરાશ પ્રદર્શન કરનારને આપવામાં આવતા પગાર વધારામાં લગભગ 1.8 ગણો વધારે પગાર વધારો થાય તેવી આશા છે. 

આ સેક્ટરમાં થઈ શકે છે સૌથી વધુ વધારો 
સર્વેમાં સંકેત મળ્યો છે કે 20222માં, ઈન્ફોર્મેશન ટેક્નોલોજી ક્ષેત્રમાં સૌથી વધારે વેતન વૃદ્ધિ આપવાની સંભાવના છે. ત્યાર બાદ જીવન વિજ્ઞાન ક્ષેત્ર આવે છે. 
આઈટી એક માત્ર એવું ક્ષેત્ર છે જેમાં અમુક ડિજિટલ/ ઈ-કોમર્સ કંપનીઓનું  સૌથી વધારે પગાર વધારો કરવાની યોજનાની સાથે વધારે વૃદ્ધિ હોવાની આશા છે.