DA અને HRA તથા TAમાં વધારા બાદ કેન્દ્ર સરકાર હવે નવા વર્ષે તેના કર્મચારીઓને બંપર પગાર વધારો આપવાની વિચારણા કરી રહી છે.
કેન્દ્રીય કર્મચારીઓને નવા વર્ષે ખુશખબર આપી શકે છે કેન્દ્ર સરકાર
2022 માં બંપર પગાર વધારો આપવાની સરકારની વિચારણા
ઓછામાં ઓછું વેતન અથવા મૂળ વેતનમાં વધારો થવાની સંભાવના
મીડિયા રિપોર્ટ અનુસાર, 7 મા પગાર પંચની ભલામણ અનુસાર કેન્દ્ર સરકારના કર્મચારીઓના ફિટમેન્ટ ફેક્ટર, ઓછામાં ઓછું વેતન અથવા મૂળ વેતનમાં વધારો થવાની સંભાવના છે. કેન્દ્ર સરકારના કર્મચારીઓ ફિટમેન્ટ ફેક્ટરને 2.57 ટકાથી વધારીને 3.68 ટકા કરવાની માગ કરી રહ્યાં છે. કેન્દ્રીય બજેટ 2022 પહેલા કેન્દ્ર સરકાર આ નિર્ણય લઈ શકે છે.
શું છે ફિટમેન્ટ ફેક્ટર
કેન્દ્રીય મંત્રીમંડળની લીલીઝંડી મળ્યા બાદ સાતમા પગાર પંચની ભલામણ અનુસાર પગાર વધારાને આગામી બજેટના ખર્ચમાં સામેલ કરવામાં આવશે. ફિટમેન્ટ ફેક્ટરમાં વધારાથી ફક્ત કેન્દ્ર સરકારના કર્મચારીઓના પગારમાં જ નહીં પરરંતુ કેન્દ્રીય કર્મચારીઓના ન્યૂનતમ વેતનમાં પણ વઘારો થશે.
લાખો કર્મચારીઓને મોટી રાહત
કેન્દ્ર સરકારના કર્મચારીઓ અને સરકારી પ્રતિનિધિઓ વચ્ચે છેલ્લી વાતચીત દરમિયાન કેબિનેટ સચિવે ફિટમેન્ટ ફેક્ટરમાં વધારો કરવાની ખાતરી આપી હતી. ફિટમેન્ટ ફેક્ટરમાં વધારો કેન્દ્ર સરકારના લાખો કર્મચારીઓ (સરકારી કર્મચારીઓ)ને મોટી રાહત આપશે.
ફિટમેન્ટ ફેક્ટરની મંજૂરી મળે તો મૂળ વેતન 8000 રુપિયા વધી જશે
હાલમાં 2.57 ટકાના ફિટમેન્ટ ફેક્ટર પર પગારની ગણતરી કરાય છે અને તે પ્રમાણે મૂળ વેતન 18,000 રુપિયા છે. જોકે સરકાર પ્રસ્તાવિત 3.68 ટકા ફિટમેન્ટ ફેક્ટરની મંજૂરી આપે તો મૂળ વેતન 8000 રુપિયા વધી જશે અને 26,000 ના સ્તરે પહોંચી જશે.