જો તમારે પણ તમારા ત્વચાની સુંદરતા વધારવી હોય તો હંમેશા ને માટે તમારે જરૂર પડે છે. સંતુલિત ચહેરા ઉપર થયેલા દાગ-ધબ્બા માંથી છુટકારો મેળવવા માટે પાણીથી સુંદર વસ્તુ કોઈ ન હોઈ શકે. ચમકદાર ત્વચા મેળવવા માટે તમારે ભરપૂર માત્રામાં સલાડ ખાવાની જરૂર છે.
સૌંદર્યપ્રસાધનો કરતા વધુ ધ્યાન ડાયેટ પર આપીને કોઇપણ સાઇડ ઇફેક્ટ્સ વગર તમે ત્વચાની રંગત નિખારી શકો છો. આ માટે જરુરી છે કે આપણે આપણા ડાયેટમાં સલાડને જરુર સામેલ કરીએ. સલાડમાં ઉપયોગમાં લેવાતી ચીજો એન્ટીઓક્સીડન્ટથી ભરપુર હોવાની સાથે ઘણા પ્રકારના વિટામીનો સ્ત્રોત પણ છે.
ગાજર
એન્ટીઓક્સિડન્ટથી ભરપુર ગાજરનું સેવન કરવાથી ત્વચા નિખરવાની સાથે ચહેરા પરની કરચલીઓ પણ દુર થાય છે. તેમાં બીટા કેરોટીનની વધુ માત્રા હોય છે, જેમાથી વિટામીન એ મળે છે. સલાડ ઉપરાંત એક ગ્લાસ ગાજરનો રસ અવશ્ય પીવો. તેનાથી ત્વચા અને વાળ પણ સુંદર થાય છે. આંખો માટે પણ ગાજર શ્રેષ્ઠ છે.
બીટ
આયર્નનો સ્ત્રોત ગણાતા બીટ હીમોગ્લોબીન વધારે છે અને સાથે સાથે તે ખાવાથી સ્કીન પણ સારી થાય છે. બીટનો રસ પી શકાય છે અને તેનો રસ ચહેરા પર પણ લગાડી શકાય છે. તેનો રસ પીવાથી શરીરમાં અદભુત ફાયદા થાય છે અને સાથે સાથે ચહેરા પર ગુલાબી રંગત પણ આવે છે.
ટામેટા
ટામેટામાં એન્ટીઓક્સિડન્ટ લાઇકોપિનની માત્રા વધુ હોય છે. તે એન્ટી એજિંગ અને સનસ્ક્રીનની જેમ કામ કરે છે. તેનો જ્યુસ ચહેરા પર પણ લગાવી શકાય છે. ચહેરા પર ટામેટાનો જ્યુસ લગાવ્યા બાદ ફેશિયલ કરાવ્યુ હોય તેવી ઇફેક્ટ આવે છે.
એવાકાડો
પ્રોટીનથી ભરપુર એવાકાડો રુક્ષ ત્વચા અને વાળ માટે ખુબ ઉપયોગી છે. તેના સેવનથી સ્વાસ્થ સંબંધિત બિમારીઓ દુર થાય છે. તેનો બાહ્ય ઉપયોગ પણ કરી શકાય છે. તેના ઉપયોગથી રંગ નિખરે છે. એવાકોડોમાં 20 પ્રકારના વિટામીન્સ અને મિનરલ્સ હોય છે. તે કેન્સર જેવા રોગ સામે પણ લડત આપી શકે છે.
લીંબુ
લીંબુમાં વિટામીન સી ખુબ હોય છે. તે કોલેજનના નિર્માણમા સહાયક છે. તેનાથી ચહેરાના ડાઘ-ધબ્બા મટી જાય છે. બદામમાં લીંબુનો રસ મિક્સ કરી તેનુ ફેસપેક બનાવીને ચહેરા પર નિયમિત પણ લગાવવાથી તે એન્ટીએજિંગની અસર કરે છે. વજન ઉતારવુ હોય તો પણ લીંબુનો રસ બેસ્ટ છે. ગરમ પાણીમાં લીંબુનો રસ ભેળવીને રોજ સવારે નરણા કોઠે પીવાથી ચરબી ઘટે છે. રોજ લીંબુનુ શરબત પીવાથી ત્વચા નરમ અને મુલાયમ બને છે. લીંબુ નેચરલ ટોનિકનું કામ કરે છે. તે કુદરતી બ્લિચ છે.