'કહાની ઘર ઘર કી' અને 'બડે અચ્છે લગતે હૈ' સીરિયલથી ટેલિવિઝનની દુનિયામાં ફેમસ થયેલી એક્ટ્રેસ સાક્ષી તન્વર માતા બની ગઇ છે. સાક્ષીએ હજુ સુધી લગ્ન નથી કર્યા અને દશેરા દિવસે જ સાક્ષીએ 8 મહિનાની દિકરીને દત્તક લીધી છે. દિકરીની પહેલી તસવીર સાક્ષીના ભાઇએ શેર કરીને આ અંગે જાણકારી આપી હતી જે પછી સાક્ષીના ફેન્સ તેને શુભેચ્છાઓ પાઠવી રહ્યા છે. આ વચ્ચે ડેઇલી સોપ ક્વીન એકતા કપૂરે સાક્ષીએ અલગ અંદાજમાં શુભેચ્છા પાઠવી છે.
એક્તાએ ઇન્સ્ટાગ્રામ પર પોતાની અને સાક્ષીની તસવીર શેર કરતાં લખ્યું કે ''બડે અચ્છે લગતે હૈ…સાક્ષીથી પ્રિયાથી પાર્વતી અને મા…તને અને દિત્યા પ્રિન્સેસને શુભેચ્છા.''
દિકરી વિશે સાક્ષીએ જણાવ્યું હતું કે ''દિત્યા મારી તમામ પ્રાર્થનાઓનો જવાબ છે. મારા જીવનમાં તેને પામીને હું ખૂબ જ ખુશ છું.''
ઉલ્લેખનીય છે કે કહાની ઘર ઘર કી સીરિયલ ખૂબ જ ફેમસ થઇ ત્યારથી તેને લોકો પાર્વતી ભાભીથી ઓળખતા હતા. જે પછી સાક્ષી ઘણી સીરિયલ્સ જેવી 'કુંટુંબ' 'દેવી' 'જસ્સી જૈસી કોઇ નહી' 'બડે અચ્છે લગતે હૈ' અને 'કર લે તૂ ભી મોહબ્બત' જેવી વેબ સીરિઝ શામેલ છે.
આ સાથે જ સાક્ષી આમિર ખાન 'દંગલ' માં જોવા મળી હતી. આ ફિલ્મમાં સાક્ષી આમિર ખાનની પત્નીના રોલમાં જોવા મળી હતી.