તપાસ / રાજકોટ પોલીસ કમિશનર સામે તોડકાંડના આક્ષેપ મુદ્દે મોટા સમાચાર, સખીયા બંધુએ DGP સમક્ષ રજૂ કર્યા આ મોટા પુરાવાઓ

• રાજકોટમાં પોલીસ કમિશ્નર સામે તોડકાંડના આક્ષેપનો મામલો
• સખીયા બંધુએ DGP વિકાસ સહાય સમક્ષ રજૂ કર્યા પુરાવાઓ
• PSI એમ.એમ.ઝાલા દ્વારા નાણાં અપાયાનો ધડાકો

રાજકોટ પોલીસ કમિશ્નર  મનોજ અગ્રવાલ સામે જે ભ્રષ્ટાચારના આરોપ લાગ્યા છે. તેને લઈને તપાસના આદેશો આપવામાં આવ્યા છે. આ તપાસ પણ DGP વિકાસ સહાય દ્વારા કરવામાં આવી રહી છે. તોડકાંડના આક્ષેપોમાં રોજે રોજ નવા વળાંક આવતાં હોય તેવું લાગી રહ્યું છે. જોકે હાલ આ સમગ્ર મામલે મોટા સમાચાર સામે આવી રહ્યા છે. તપાસ અધિકારી DGP વિકાસ સહાય સમક્ષ ફરિયાદી સખીયા બંધુએ પુરાવા રજૂ કર્યા  છે. 

પુરાવા રૂપે ચોંકાવનારી 2 વીડિયો ક્લિપ કરી રજૂ

સખીયા બંધુઓએ DGP વિકાસ સહાય સમક્ષ તોડકાંડના આક્ષેપના પુરાવા રૂપે ચોંકાવનારી 2 વીડિયો ક્લિપ રજૂ કરી આ સાથે 3 જી ફેબ્રુઆરીએ ક્રાઈમબ્રાંચમાં રૂા.4.45 લાખ નાણા પરત કર્યાનો વીડિયો ક્લિપના પુરાવા આપ્યાં આ સાથે તેઓએ ક્રાઇમબ્રાંચના PSI એમ.એમ.ઝાલા દ્વારા નાણાં અપાયાનો ધડાકો કર્યો હતો. આ સાથે પરત આપેલા નાણાંની પાવન ન આપી હોવાનો દાવો પણ કર્યો હતો. 

આજ સાંજ સુધીમાં રિપોર્ટ સોંપાય જાય તેવી શકયતા

ઉલ્લેખનીય છે કે,  વિકાસ સહાય ક્વોરન્ટાઈનમાંથી મુક્ત થતાંની સાથે જ રાજકોટ પોલીસ કમિશ્નર મનોજ અગ્રવાલ સામે લાગેલા ભ્રષ્ટાચારના આરોપના તપાસ ધમધમાટ પુનઃ શરૂ થયો હતો. અને ગત રોજ વિકાસ સહાયે આ કેસના ફરિયાદી સખીયા બંધુને ગાંધીનગરનું તેડું મોકલ્યું હતું. જેમાં ફરિયાદી સખિયા બંધુઓ પુરાવા રજૂ કરીને નિવેદન આપ્યાં હતાં. મહત્વનું છે કે, આ સમગ્ર મામલે ગોવિંદ પટેલના લેટર બોમ્બ પછી ગૃહ વિભાગે તપાસ હાથ ધરી હતી. જેમા DGP વિકાસ સહાયે તપાસ હાથ ધરી હતી અને ગાંધીનગર તેમજ રાજકોટથી નિવેદનો લેવાયા હતા.