દેશભરમાં લૉકડાઉન ચાલી રહ્યુ છે, લોકો ઘરમાં બંધ છે, સામાન્ય જનતાથી લઇને બોલિવુડ અને સ્પોર્ટ્સ ઇન્ડસ્ટ્રીના સેલેબ્સ પોતાના ફેન્સની સાથે સોશ્યલ મીડિયાના પ્લેટફોર્મથી કનેક્ટ રહે છે, ત્યારે વચ્ચે સ્ટાર્સની થ્રોબેક ફોટોઝ અને વીડિયોઝ પણ સોશ્યલ મીડિયા પર વાયરલ થાય છે, જેને ફેન્સ ખૂબજ પસંદ કરી રહ્યા છે. આવો જ એક વીડિયો તાજેતરમાં સામે આવ્યો છે જેમાં સલમાન ખાનની લગ્ન ના કરવાના ખુલાસો થયો છે.
જી હા, બોલિવુડના જાણીતા પ્રોડ્યુસર અને સલમાન ખાનના મિત્ર સાજિત નડિયાદવાલાએ તેના લગ્નને લઇને ઘણા ખુલાસા કર્યા છે. સલમાનનું નામ આવે તો તરત જ તેના લવ અફેર્સની યાદ આવી જાય, સલમાન ખાનનું નામ ઘણી હિરોઇન્સની સાથે સાથે મૉડલ્સ સાથે પણ જોડાઇ ચૂક્યુ છે.જોકે હજુ સુધી સલમાન ખાન બોલિવુડની હોટેસ્ટ બેચલરમાંથી એક છે. પરંતુ એક સમય હતો જ્યારે સલમાન ખાન લગ્ન માટે તૈયાર હતો.
સલમાન ખાન અને સંગીતા બિજલાનીના લગ્નની તારીખ આવી ગઇ હતી, એટલું જ નહી કાર્ડ પણ છપાઇ ચૂક્યા હતા. પરંતુ લગ્નના થોડા દિવસ પહેલા જ સલમાન લગ્ન કરવાનો ઇન્કાર કરી દીધો. આ વિશે સાજિદ નડિયાદવાલાએ કપિલ શર્માના શોમાં ખુલાસો કર્યો હતો, જેનો વીડિયો સોશ્યલ મીડિયા પર વાયરલ થઇ રહ્યો છે.
સાજિદે જણાવ્યુ હતુ કે, ''લગ્ન નક્કી થઇ ગયા હતા. કાર્ડ પણ છપાઇ ચૂક્યા હતા. લગભગ 25 લોકોને લગ્નમાં આવવાનું હતુ પરંતુ 5-6 દિવસ પહેલા જ સલમાને કહ્યુ કે, મારો લગ્ન કરવાનો મૂડ નથી. આ પછી મારા લગ્નમાં સલમાન સ્ટેજ પર આવ્યો અને કહ્યુ કે, પાછળ ગાડી છે ભાગી જા, હજુ સમય બાકી છે.''
ઉલ્લેખનીય છે કે, 2013માં કરણ જોહરના શોમાં જ્યારે સલમાન ખાન પહોંચ્યો હતો ત્યારે તેણે લગ્નને લઇને સવાલ કરવાની બાબતે કહ્યુ કે, ''એક સમય હતો જ્યારે હું લગ્ન કરવા માંગતો હતો, કાર્ડ પણ પ્રિન્ટ થઇ ચૂક્યા હતા, પરંતુ તે સમયે હું જે રીતે હતો ત્યારે લગ્ન માટે લાયક ના હતો.'' ઉલ્લેખનીય છે કે, સલમાન ખાન તે સમયે સોમા અલીને પણ ડેટ કરી રહ્યો હતો.