ભારતીય બનાવટનું 11 પૈકીનું એક અતિઆધુનિક અને ટેક્નોલોજીથી સજ્જ સજગ નામનું જહાજને પોરબંદર કોસ્ટગાર્ડમાં કાર્યરત કરાયું
ઇન્ડિયન કોસ્ટગાર્ડમાં અત્યાધુનિક શિપનો થશે સમાવેશ
સજગ નામની શિપનો પોરબંદર કોસ્ટગાર્ડમાં સમાવેશ કરાશે
આત્મનિર્ભર પ્રોજેકટ અંતર્ગત ગોવા શિપયાર્ડમાં બનાવાઈ છે શિપ
પોરબંદર કોસ્ટગાર્ડ હેડ ક્વાર્ટર સુરક્ષાની દ્રષ્ટીએ મહત્વની ભૂમિકા ધરાવતું હેડક્વાર્ટર ગણાય છે. અહીંથી દુશ્મન દેશ પાકિસ્તાનની સમુદ્રી સીમાઓ નજીક છે. જેથી દરિયાની સુરક્ષા વધારવા સુરક્ષા એજન્સીઓને આધુનિક હથિયારો અને જહાજોથી સુસજ્જ કરવું પણ જરૂરી છે. આજરોજ પ્રધાનમંત્રીના આત્મનિર્ભર પ્રોજેક્ટ અંતર્ગત મેક ઈન ઇન્ડિયાના સૂત્રને સાર્થક કરવા ગોવાના શિપયાર્ડ ખાતે સજગ નામનું આ શિપ તૈયાર કરવામાં આવ્યું છે.
થોડા દિવસ પૂર્વે ભારત સરકારના નેશનલ સિક્યુરિટી કમિટીના એડવાઈઝર અજિત ડોવાલના હસ્તે લોકાર્પણ કરવામાં આવ્યું હતું. આ જહાજ આજરોજ પોરબંદર આવી પહોંચ્યું હતું અને આ જહાજની વેલકમ સેરેમની પોરબંદર કોસ્ટગાર્ડ ખાતે યોજાઈ હતી. ગુજરાત કોસ્ટગાર્ડના ડી.જી રાકેશ પાલની ઉપસ્થિતિમાં કરવામાં આવ્યું હતું. આ સજગ જહાજ કોસ્ટગાર્ડ જેટી પહોંચતાની સાથે જ તેવી કાબેલિયતનું ચિત્ર દર્શાવ્યું હતું. તેમજ કોસ્ટગાર્ડના એરક્રાફ્ટ અને હેલીકૉપટર સાથે પરેડ કરી હતી. સાથો સાથ રેસ્ક્યૂનો ડેમો પણ કરી બતાવ્યો હતો.
ઈન્ડિયન કોસ્ટગાર્ડના ભાથામાં ઉતરોતર આધુનિક શિપ અને હથિયારોનો વધારો કરવામાં આવે છે. ત્યારે આજ રોજ ભારતીય બનાવટનું 11 પૈકીનું એક અતિઆધુનિક અને ટેક્નોલોજીથી સજ્જ સજગ નામનું જહાજને પોરબંદર કોસ્ટગાર્ડમાં કાર્યરત કરવામાં આવ્યું છે. આ જહાજમાં 12 અધિકારીઓ અને 90થી 100 જેટલા જવાનો ફરજ બજાવશે. સજગ શીપ સમુદ્રની કોઈ પણ પરિસ્થિતિને પહોંચી વળવા સાર્થકની વળશે.
આ જહાજ 1 મહિના સુધી સતત સમુદ્રમાં રહી શકે તેવી ક્ષમતા ધરાવે છે. આ જહાજમાં 1 માસ સુધી ચાલે તેટલો અન્ન પુરવઠો અને તેલ પુરવઠાઓ રહી શકશે. તાજેતરમાં જ ડિફેન્સ દ્વારા એડવાન્સ ટેક્નોલોજીવાળા 2 એરક્રાફ્ટની ફાળવણી કરવામાં આવી છે. આગમી 3 મહિનામાં હજુ પણ 1 શીપ કોસ્ટગાર્ડના ભાથામાં જોડાશે. પોરબંદર કોસ્ટગાર્ડ કાર્ય વિનીત થયેલા સજગ જહાજ સર્ચ એન્ડ રેસ્ક્યુ, પોલ્યુશન સર્વેલન્સ માટે ખૂબ મહત્ત્વીની ભૂમિકા ભજવશે. આ જહાજમાં ઓટોમેટિક વેપન સહિત આધુનિક હથિયારોથી સુસજ્જ કરવામાં આવ્યું છે.