સારા અલી ખાન અને કાર્તિક આર્યન સ્ટારર ‘લવ આજ કલ’ મૂવીનું ટ્રેલર રિલીઝ થઇ ગયુ. ફિલ્મનું ટ્રેલર જોઇને લોકો મિક્સ રિવ્યૂઝ આપી રહ્યા છે. મોટેભાગે લોકો આ ટ્રેલરને સૈફ અલી ખાન અને દીપિકા પાદુકોણની ફિલ્મ સાથે સરખાવી રહ્યા છે. જોકે હવે સારાના પપ્પા અને ‘લવ આજ કલ’ નો એક્ટર સૈફ અલી ખાને આ ટ્રેલરને લઇને પ્રતિક્રિયા આપી છે.
એક ઇન્ટરવ્યૂમાં વાતચીત દરમિયાન સૈફે સારા-કાર્તિકના લવ આજ કલના ટ્રેલરને પોતાની ફિલ્મની સરખામણીએ નબળુ બતાવ્યુ, ‘’મને મારી અને દીપિકાની ૨૦૦૯માં આવેલી ઑરિજનલ લવ આજ કલ વધારે પસંદ આવી હતી. ‘’ જોકે સૈફ અલી ખાને ઇમ્તિયાઝ અલીના એક્સપરિમેન્ટના વખાણ કર્યા અને સારા એટલે કે પોતાની દિકરીને ફિલ્મ માટે શુભકામનાઓ પણ આપી.
ઉલ્લેખનીય છે કે , વર્ષ 2009માં આવેલી ઈમ્તિયાઝ અલીની ‘લવ આજ કલ’ની આ સીક્વલ ફિલ્મ છે. આ ફિલ્મમાં સૈફ અલી ખાન, દીપિકા પાદુકોણ લીડ રોલમાં હતાં. આ ફિલ્મમાં સૈફે ડબલ રોલ પ્લે કર્યો હતો. સૈફે જયવર્ધન તથા વીર સિંહ પાનેસર એમ બે ભૂમિકા ભજવી હતી. આ ફિલ્મમાં રીષિ કપૂર, રાહુલ ખન્ના સપોર્ટિંગ રોલમાં હતાં.
તો બીજી તરફ ‘લવ આજ કલ’ના ટ્રેલરમાં 1990 તથા 2020ની એમ બે અલગ-અલગ લવ સ્ટોરી બતાવવામાં આવી છે. કાર્તિક આર્યન ડબલ રોલમાં જોવા મળ્યો છે. 1990ની લવ સ્ટોરીમાં કાર્તિક આર્યનની સાથે આરૂષી શર્મા છે, જ્યારે 2020ની લવ સ્ટોરીમાં સારા અલી ખાન છે. ટ્રેલરમાં સારા અલી ખાનને કરિયર ઓરિએન્ટેડ ગર્લ બતાવવામાં આવી છે. ફિલ્મમાં રણદીપ હૂડા મહત્ત્વના રોલમાં છે. ફિલ્મમાં કાર્તિકે વીર તથા સારાએ ઝોની ભૂમિકા ભજવી છે.