બોલિવૂડ / તાંડવ માટે સૈફ અલી ખાને શીખી આ ભાષા, રાજકારણીનું પાત્ર ભજવવા પર કરી વાત

• તાંડવ વિશે સૈફૈ કરી ખુલીને વાત 
• રાજકારણીનું પાત્ર ભજવવું સહેલુ છે
• ડિમ્પલ કાપડીયા સાથે કરશે સ્ક્રિન શૅર

25 મિલિયનથી વધુ વ્યુઝ સાથે રોમાંચક 3 મિનિટના ટ્રેલરે દર્શકોને જકડી લીધા છે અને અનોખી ભારતીય રાજકીય થ્રિલર જોવા શોના પ્રસારણ માટે તેમને વધુ ઉત્સુક બનાવી દીધા છે. અલી અબ્બાસ ઝફરનું ક્રિએશન તાંડવમાં સૈફ અલી ખાન આજ સુધી તેણે ક્યારેય ન ભજવ્યું હોય તેવા પાત્રમાં જોવા મળશે. હાલમાં તેણે શોમાં તેના પાત્ર વિશે રોચક વાતો શૅર કરી હતી. જે માહિતી કદાચ જ લોકોને ખબર છે. 

સૈફ અલી ખાન કહે છે, મને લાગે છે કે તમે કોઇ પાત્ર માટે કંઇક કરો અને તૈયારી કરો ત્યારે તેમાં વિવિધ પ્રભાવો જોવા મળે છે. મારું પાત્ર રાજકારણીનું છે, જે જાહેર સ્થળે ભાષણ આપે છે અને તેથી તેમાં ઘણાં બધાં સંસ્કૃતકૃત હિંદી વક્તવ્યો હતા. મારે સમરના પાત્ર માટે તૈયારી કરવી પડી હતી. વાસ્તવિકતા એ છે કે મને સંસ્કૃત બોલવું બહુ ગમે છે. 

શોમાં ગ્રે શેડેડ પાત્ર ભજવવા વિશે સૈફ કહે છે, મેં ગ્રે શેડનાં પાત્રો સાથે અમુક ભૂમિકાઓ ભજવી છે અને મેં તે બહુ માણી છે. દૂધ જેવા સફેદ પાત્ર ભજવવાને બદલે મને આ વધુ રસપ્રદ અને પ્રયોગાત્મક લાગે છે. મને ખુશી છે કે હું સમીરનું પાત્ર ભજવી શક્યો છું. તમારી ઊર્જાને અલગ અલગ ભાગમાં વહેંચવા જેવું આ છે. ઉપરાંત રાજકારણીનું પાત્ર ભજવવાનું બિલકુલ જોખમી નથી એવું મને લાગે છે. તાંડવ એક કાલ્પનિક વાર્તા છે.

હિમાંશુ કિશન મહેરા અને અલી અબ્બાસ ઝફર દ્વારા નિર્મિત આ 9  એપિસોડના રાજકીય ડ્રામામાં સૈફ અલી ખાન, ડિંપલ કાપડિયા, સુનિલ ગ્રોવર, તિગ્માંશુ ધુલિયા, ડિનો મોરિયા, કુમુદ મિશ્રા, ગૌહર ખાન, અમાયરા દસ્તુર, મહંમદ ઝીશાન અય્યુબ, કૃત્તિકા કામરા, સારાહ જેન ડાયસ, સંધ્યા મૃદુલ, અનુપ સોની, હિતેન તેજવાની, પરેશ પાહુજા, શોનાલી નાગરાની વગેરે છે.