અભિનેતા સૈફ અલી ખાન અને અમૃતા સિંહની પુત્રી સારા અલી ખાન બોલીવુડની ખ્યાતનામ અભિનેત્રીઓમાં સામેલ થઇ ગઇ છે. હવે સૈફના મોટા પુત્ર ઈબ્રાહિમ અલી ખાન ફિલ્મમાં પર્દાપણ કરી રહ્યાં હોય તેવા અહેવાલ વહેતા થઇ રહ્યાં છે. જે અંગે સૈફ અલી ખાને ખુલાસો કર્યો છે.
સૈફે પોતાના પુત્ર ઈબ્રાહિમ અલી ખાન અંગે કર્યો ખુલાસો
ઈબ્રાહીમ ફિલ્મ નિર્માણનું કામ શીખી રહ્યો છે
કરણ જોહરની એક ફિલ્મમાં આપી રહ્યો છે સહકાર
સૈફ શીખી રહ્યાં છે ફિલ્મ નિર્માણની વિશિષ્ટતા
સૈફ અલી ખાને ખુલાસો કર્યો છે કે તેમનો પુત્ર ઈબ્રાહિમ અલી ખાન ફિલ્મ નિર્માણની વિશિષ્ટતાઓ શીખવા માટે ફિલ્મ નિર્માતા કરણ જોહરને એક ફિલ્મમાં સહકાર આપી રહ્યો છે. સૈફે યુટ્યુબ ચેનલને આપેલા એક ઈન્ટરવ્યૂમાં હોસ્ટ સિદ્ધાર્થ કન્નન સાથે આ વાતચીત કરી હતી.
તો સૈફ પણ બનશે ફિલ્મ નિર્માતા
જ્યાં ઈબ્રાહિમ બોલીવુડમાં પ્રવેશ કરવા તૈયાર છે. તો આ અંગે સૈફે ખુલાસો કર્યો કે તેઓ પહેલાં કેમેરાની પાછળ રહીને ફિલ્મ નિર્માણની પ્રક્રિયાને સમજી રહ્યાં છે. તો તેઓ એવો અંદાજ લગાવી રહ્યાં છે કે કદાચ તેઓ પોતાના પુત્રને હીરો લોન્ચ કરવા માટે તૈયારી કરી રહ્યાં છે.
પોતાના બાળકો સારા, ઈબ્રાહિમ, તૈમુર અને જેહ અંગે વાતચીત કરતા સૈફે કહ્યું કે, આ બધા બાળકો અલગ છે. ઈબ્રાહિમ કરણ જોહરની ફિલ્મમાં સહાયતા કરી રહ્યો છે અને પોતાના સપના અને વિચારો અંગે વાત કરી રહ્યો છે. સૈફે કહ્યું કે, સારા મોટી છે અને અમારી વચ્ચે એક અલગ કેમેસ્ટ્રી છે. નિશ્ચિત રીતે તૈમુરને હજી સમય લાગશે અને જેહ ફક્ત હસી રહ્યાં છે. તેમાંથી કોઈ પણની તુલનામાં મારી માનસિક ઉંમર ખૂબ વધુ છે.