બોલિવૂડ અભિનેતા સૈફ અલી ખાન માટે 2020 સારુ સાબિત થઇ રહ્યું છે. વર્ષની શરૂઆતમાં તાનાજીએ બોક્સ ઓફિસ પર રકોર્ડ તોડ્યા હતા. બાદમાં જવાની જાનેમને પણ તેની જૂની ફિલ્મો કરતા વધારે કમાણી કરી હતી. હવે જલ્દી જ તે પિતા બનવાના છે. સૈફ સાથે જોડાયેલી ખબર સામે આવી રહી છે કે તે પ્રભાસ સાથે કામ કરવાના છે.
તમને જણાવી દઈએ કે, ટૂંક સમયમાં ફિલ્મના પરદે સૈફ અલી ખાન અને 'બાહુબલી' ફેમ પ્રભાસ વચ્ચે મોટી લડાઇ થશે. હા, આ બંને ફિલ્મ 'આદિપુરુષ' માં જોવા મળશે. એક તરફ, આ ફિલ્મમાં પ્રભાસ મુખ્ય અભિનેતા હશે, તો બીજી તરફ સૈફ અલી ખાન એક ભયાનક વિલન તરીકે જોવા મળશે. આ ફિલ્મનું નિર્દેશન ઓમ રાઉત કરી રહ્યા છે. કરીના કપૂર ખાને તેના ઇન્સ્ટાગ્રામ એકાઉન્ટ પર 'આદિપુરુષ' નું નવું પોસ્ટર શેર કર્યું છે, જેને ખૂબ પસંદ કરવામાં આવી રહ્યું છે.
આ સિવાય સૈફ અલી ખાન પણ એક હોરર-કોમેડી ફિલ્મ 'ભૂત પોલીસ'માં જોવા મળશે. આ ફિલ્મમાં સૈફ ઉપરાંત અર્જુન કપૂર અને ફાતિમા સના શેખ પણ મહત્વની ભૂમિકામાં છે. આ ફિલ્મનું દિગ્દર્શન પવન ક્રૃપલાની કરશે, જ્યારે તેના નિર્માતા રમેશ તૌરાણી અને આકાશ પુરી નિર્માતા છે. અર્જુન અગાઉ સૈફની પત્ની કરીના કપૂર ખાન સાથે 2016 ની હિટ ફિલ્મ 'કી અને કા' માં કામ કરી ચૂક્યો છે.