ડ્રિમ સબજેક્ટ / ફિલ્મ 'આદિપુરૂષ'માં રાવણ બન્યા બાદ હવે 'મહાભારત'માં કામ કરવા માંગે છે સૈફ અલી ખાન, કહ્યું-કર્ણનું પાત્ર મને....

• હાલમાં જ રીલિઝ થઈ સેફની ફિલ્મ વિક્રમ વેધા 
• ફિલ્મમાં પોલીસ ઓફિસની ભૂમિકામાં છે સૈફ 
• હવે મહાભારતમાં કામ કરવાની ઈચ્છા કરી વ્યક્ત 

બોલિવૂડ એક્ટર સૈફ અલી ખાન આજકાલ ખૂબ જ ચર્ચામાં છે. હાલમાં જ તેની ફિલ્મ વિક્રમ વેધા રિલીઝ થઈ છે. આ ફિલ્મમાં તેની સાથે રિતિક રોશન લીડ રોલમાં છે. જોકે આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. હવે સૈફ ટૂંક સમયમાં આદિપુરુષમાં જોવા મળશે. 

હાલમાં જ આ ફિલ્મનું ટીઝર રિલીઝ કરવામાં આવ્યું છે અને સૈફ રાવણના અવતારમાં જોવા મળી રહ્યો છે. સૈફે હવે પોતાના ડ્રીમ પ્રોજેક્ટ અને રોલ વિશે જણાવ્યું છે. આ સાંભળીને ફેન્સ જરૂર ચોંકી જશે. સૈફે એક ઈન્ટરવ્યુમાં આ રોલ વિશે જણાવ્યું હતું.

સૈફે પોતાના ડ્રીમ રોલ વિશે કરી વાત 
એક ઈન્ટરવ્યુમાં પોતાના ડ્રીમ રોલ વિશે વાત કરતા સૈફ અલી ખાને કહ્યું- હું એ રીતે નથી વિચારતો. હું ફક્ત તે વિશે જ વિચારું છું જે મને ઓફર કરવામાં આવે છે. મારી પાસે કોઈ ડ્રીમ સબજેક્ટ નથી. મને નથી લાગતું કે આ વિશે વિચારવાનો કોઈ અર્થ છે પરંતુ હું મહાભારતમાં કામ કરવા માંગુ છું જો કોઈ તેને લોર્ડ ઓફ ધ રિંગ્સની જેમ બનાવે. અમે આ વિશે અજય દેવગન સાથે ફિલ્મ કચ્ચે ધાગેના સમયથી વાત કરી રહ્યા છીએ. અમારી જનરેશનમાં આ ડ્રિમ સબજેક્ટ છે.

પ્લે કરવા માંગે છે આ કેરેક્ટર
સૈફે આગળ કહ્યું- જો શક્ય હોય તો આપણે બોમ્બે ફિલ્મ ઈન્ડસ્ટ્રી અને સાઉથને સાથે લાવી શકીએ છીએ. કરણનું પાત્ર મને ખૂબ જ આકર્ષક છે, અને બીજા પણ ઘણા મહાન પાત્રો છે.

 

 

 

 

View this post on Instagram

 

 

 

 

 

 

 

 

 

 

 

A post shared by Saif Ali Khan (@actorsaifalikhan)

વર્કફ્રન્ટની વાત કરીએ તો હાલમાં જ અયોધ્યામાં સૈફ અલી ખાનની ફિલ્મ આદિપુરુષનું ટીઝર રિલીઝ કરવામાં આવ્યું છે. આ ટીઝરમાં પ્રભાસ ભગવાન રામના રોલમાં અને સૈફ અલી ખાન રાવણના રોલમાં જોવા મળી રહ્યો છે. સૈફના લુકના કારણે ટીઝરને ટ્રોલ કરવામાં આવી રહ્યું છે. VFX ના કારણે લોકો તેને બિલકુલ પસંદ નથી કરી રહ્યા. અત્યારથી જ આ ફિલ્મને બોયકોટ કરવાની માંગ ઉઠી રહી છે.