સૈફ અલી ખાન અને રાની બંટી અને બબલી 2ના પ્રમોશનમાં વ્યસ્ત છે ત્યારે સૈફે એક ચોંકાવનારી વાત કરી દીધી છે.
સૈફ અલી ખાને કર્યો ચોંકાવનારો ખુલાસો
સૈફને લાગે છે આ વાતનો સખત ડર
કપિલ શર્મા શોમાં કર્યો ખુલાસો
બંટી ઔર બબલી 2ના પ્રમોશન માટે એક્ટર્સ કપિલ શર્મા શોમાં પહોંચ્યા હતા ત્યારે તેણે તે વાતનો ખુલાસો કર્યો કે તેને ડર લાગી રહ્યો છે. કપિલે તેને જોરદાર સવાલ પૂછ્યો તો એક્ટરનો જવાબ સાંભળીને બધા હસવા લાગ્યા હતા.
સૈફે જણાવ્યું શેનો લાગે છે ડર
પ્રોમોમાં સૈફ અલી ખાને જણાવ્યું કે તે ઘરે કેમ ખાલી બેસવા નથી માંગતો. વીડિયોમાં જોઈ શકાય છે કે, કપિલ શર્મા શોમાં તમામ સ્ટાર્સનું સ્વાગત કરે છે. કપિલે સૈફને પૂછ્યું, 'આ વર્ષનો સૈફ સરનો આ ત્રીજો પ્રોજેક્ટ છે. પહેલા 'તાંડવ', પછી 'ભૂત પોલીસ' અને હવે 'બંટી ઔર બબલી 2'. સર, શું તમે સતત કામ કરી રહ્યા છો કે તમારા પર પણ તમારા પરિવારના ગુજરાનનું પ્રેશર છે?' પછી સૈફ અલી ખાને જવાબ આપ્યો, 'ના, પરિવારને ચલાવવાનું કોઇ દબાણ નથી. મને ડર છે કે જો હું ઘરે રહીશ તો વધુ બાળકો થશે. આ સાંભળીને બધા હસવા લાગે છે.
સૈફ અલી ખાનના ચાર બાળકો
સૈફ અલી ખાનને ચાર બાળકો છે. સારા અલી ખાન અને ઇબ્રાહીમ અલી ખાન પહેલી પત્ની અમૃતા સિંહ થકી જન્મ્યા છે તો બીજી પત્ની કરીના કપૂરે તૈમૂર અલી ખાન અને જહાંગીર અલી ખાનને જન્મ આપ્યો છે. તમને જણાવી દઈએ કે ફિલ્મ 'બંટી ઔર બબલી 2' પછી સૈફ અલી ખાન ફિલ્મ 'આદિપુરુષ'માં જોવા મળશે. આ એક મોટા બજેટની ફિલ્મ છે, જેનું નિર્દેશન ઓમ રાઉત દ્વારા કરવામાં આવ્યું છે. આ ફિલ્મમાં સૈફ અલી ખાન સિવાય પ્રભાસ, સની સિંહ અને કૃતિ સેનન જેવા સ્ટાર્સ જોવા મળશે. હિન્દી સિવાય તે તેલુગુ, તમિલ, કન્નડ અને મલયાલમ ભાષાઓમાં રિલીઝ થશે.
ભૂત પોલીસમાં નજર આવ્યો હતો
છેલ્લે સૈફ ફિલ્મ ભૂત પોલીસમાં દેખાયો હતો જેમાં તેણે અર્જુન કપૂર, યામી ગૌતમ અને જેકલીન ફર્નાન્ડીઝ સાથે કામ કર્યું હતું. આ એક હોરર-કોમેડી ફિલ્મ હતી, જેને દર્શકોએ ખૂબ જ પસંદ કરી હતી. આ ફિલ્મ પવન ક્રિપલાનીએ ડિરેક્ટ કરી હતી.