બોલિવુડ એક્ટર સૈફ અલી ખાન પોતાનો 48મો બર્થ ડે સેલિબ્રેટ કરી રહ્યો છે. સૈફનો જન્મ દિલ્હીમાં થયો હતો. સૈફની દાદી સાજિદા સુલ્તાન ભોપાલના છેલ્લા નવાબ હમીદુલ્લા ખાનની દિકરી છે. નવાબ હમીદુલ્લાએ પોતાની દિકરીને પોતાની વારસદાર તરીકે જાહેર કરી હતી.
સૈફ પટૌડી પરિવારનો દસમો નવાબ છે. ભોપાલમાં સૈફ અલી ખાનની પાંચ હજાર કરોડની પ્રૉપર્ટી છે. જોકે આ પ્રોપર્ટી વિવાદોમાં છે. સરકારે એનિમી પ્રોપર્ટી પ્રોટેક્શન એંડ રજિસ્ટ્રેશન એક્ટમાં સુધારો કર્યો હતો. આ સુધારા બાદ જમીન-મિલકત શત્રુ સંપત્તિની હદમાં આવી ગઈ છે. એક્ટના અનુસાર શત્રુ સંપત્તિ પર કોઇ પક્ષ જો પોતાના ઉત્તરાધિકારનો દાવો માંડે તો તેણે હાઈકોર્ટ અને સુપ્રીમ કોર્ટમાં કેસ કરવો પડશે. એવામાં સૈફ તૈમૂરને નવાબ નહીં બનાવી શકે.
સૈફની ભોપાલ સિવાય હરિયાણા દિલ્હી મુંબઇમાં તેની કરોડોની પ્રૉપર્ટી છે. હરિયાણામાં સ્થિત પટૌડી મહેલની કિંમત 800 કરોડ રૂપિયા છે. તૈમૂરનો પહેલો બર્થ ડે આ જ 800 કરોડના મહેલમાં ઉજવવામાં આવ્યો હતો.
સૈફે કરિના સાથે 2012માં લગ્ન કર્યા હતા. આ પહેલા બંનેએ 3 વર્ષ એકબીજાને ડેટ કર્યા હતા. સૈફે કરીનાને જે એન્ગેજમેન્ટ રિંગ પહેરાવી હતી તેની કિંમત 2 કરોડ રૂપિયા હતી. સૈફે તૈમૂરને 1.30 કરોડની કાર ગિફ્ટ કરી હતી.
તૈમૂરને પહેલા બર્થ ડેમાં 1000 સ્ક્વેર ફૂટમાં ફેલાયેલું જંગલ ગિફ્ટમાં આપવામાં આવ્યું છે. સૈફ તૈમૂરને ભણવા માટે બોર્ડિંગ સ્કૂલમાં મોકલવાનો છે. જો કે તૈમૂર 13 વર્ષનો થશે તે બાદ જ તેને હોસ્ટેલમાં મૂકશે.