અપડેટ / સારવાર માટે સૈફ અલી ખાને કર્યો રૂ. 35 લાખનો હેલ્થ ઇન્શ્યોરન્સ, જ્યારે મળ્યાં માત્ર આટલાં લાખ! આવું કેમ?

Saif Ali Khan Attack : બોલિવૂડ એક્ટર સૈફ અલી ખાન (54) પર બુધવારે મોડી રાત્રે બાંદ્રામાં તેના 12મા માળના ફ્લેટમાં ઘૂસેલા ચોરે છરી વડે હુમલો કર્યો હતો, જેના કારણે તે ગંભીર રીતે ઘાયલ થયો હતો. સૈફને ગરદન, પીઠ અને હાથ સહિત શરીરમાં ઘણી જગ્યાએ ઈજા થઈ હતી. અભિનેતાની મુંબઈની લીલાવતી હોસ્પિટલમાં ઈમરજન્સી સર્જરી કરવામાં આવી હતી.

હોસ્પિટલના ચીફ ઓપરેટિંગ ઓફિસર (COO) ડૉ. નીરજ ઉત્તમાણીએ કહ્યું કે અભિનેતા ઠીક છે અને ઝડપથી સ્વસ્થ થઈ રહ્યો છે, તેને ટૂંક સમયમાં હોસ્પિટલમાંથી રજા આપવામાં આવશે. હાલ તે બેડ રેસ્ટ પર છે. દરમિયાન, સમાચાર આવી રહ્યા છે કે અભિનેતાએ તેની સારવાર માટે વીમાનો દાવો કર્યો છે.

સ્વાસ્થ્ય વીમાના દાવામાં રૂ. 25 લાખ મળ્યા

માઇક્રોબ્લોગિંગ પ્લેટફોર્મ X પર સૈફ અલી ખાનના સ્વાસ્થ્ય વીમાના દાવામાં રૂ. 25 લાખ મળ્યા હોવાનો ફોટો વાયરલ થઈ રહ્યો છે. સૈફ અલી ખાન નિવા બુપાની નીતિ ધરાવે છે. લીક થયેલા દસ્તાવેજોમાં ખુલાસો થયો છે કે, સૈફ અલી ખાને તેની સારવાર માટે 35.95 લાખ રૂપિયાનો દાવો કર્યો હતો, જેમાંથી 25 લાખ રૂપિયા વીમા કંપનીએ મંજૂર કર્યા છે. જોકે 25 લાખ રૂપિયા માત્ર પ્રારંભિક રકમ છે જેને કેશલેસ સારવાર માટે મંજૂરી આપવામાં આવી છે. એકવાર અંતિમ બિલ પ્રાપ્ત થઈ જાય પછી, બાકીની રકમ, જો કોઈ હોય તો, પોલિસીના નિયમો અને શરતો અનુસાર ચૂકવવામાં આવશે. આ ઉપરાંત દસ્તાવેજોમાં તેના સભ્ય આઈડી, નિદાન, રૂમનો પ્રકાર અને 21 જાન્યુઆરીની રજાની તારીખ જેવી સંવેદનશીલ માહિતી શામેલ છે.

વધુ વાંચો : 'સૈફ વચ્ચે ના આવત તો...', આખરે હુમલાવાળી રાતે શું થયેલું? કરીના કપૂરે જણાવી વાસ્તવિક કહાની

તો શું સ્યુટ રૂમમાં છે સૈફ અલી ખાન ?

દસ્તાવેજમાં આપવામાં આવેલી માહિતીના આધારે 54 વર્ષીય અભિનેતા હાલમાં બાંદ્રા સ્થિત લીલાવતી હોસ્પિટલ એન્ડ રિસર્ચ સેન્ટરના સ્યુટ રૂમમાં છે જ્યાંથી 16 જાન્યુઆરી, 2025 ના રોજ ભરતી થયા બાદ તેની 'શારીરિક ઈજા'ની સારવાર ચાલી રહી છે. પરિવારે શરૂઆતમાં 3,598,700 રૂપિયાની વિનંતી કરી હતી. કંપનીએ સારવાર માટે 2,500,000 રૂપિયાની પ્રારંભિક રકમ મંજૂર કરી છે.

વધુ વાંચો : અડધી રાત્રે લોહીથી લથપથ સૈફ કેવી હાલતમાં પહોંચ્યો હોસ્પિટલ? ઓટો ડ્રાઈવરે જણાવી પળે પળની કહાની

હવે જાણો કંપનીએ દાવા અંગે શું કર્યું?

નિવા બુપા હેલ્થ ઈન્સ્યોરન્સ કંપનીએ દાવાની પુષ્ટિ કરી અને કહ્યું, સૈફ અલી ખાન અમારા પોલિસી ધારકોમાંથી એક છે. તેમના હોસ્પિટલમાં દાખલ થવા પર અમને કેશલેસ પ્રી-ઓથોરાઇઝેશન વિનંતી મોકલવામાં આવી હતી અને અમે સ્વાસ્થ્ય માટે પ્રારંભિક રકમ મંજૂર કરી છે. કંપનીએ કહ્યું કે, ટ્રીટમેન્ટ પૂરી થયા પછી જ્યારે અમને અંતિમ બિલ મળશે, રે પોલિસીના નિયમો અને શરતો અનુસાર તેનું સમાધાન કરવામાં આવશે.

વધુ વાંચો : સૈફ અલી ખાન પર હુમલા બાદ કપડા બદલ્યા, બાંદ્રામાં જ ફરતો દેખાયો હુમલાખોર, જુઓ નવી તસવીર

નોંધનિય છે કે, સૈફ અલી ખાનને 15-16 જાન્યુઆરીની રાત્રે મુંબઈના બાંદ્રામાં તેના ઘરે લૂંટના પ્રયાસ દરમિયાન છ વાર કરવામાં આવ્યો હતો. ખાનની જનસંપર્ક ટીમના જણાવ્યા અનુસાર હુમલાખોરે રાત્રે લગભગ 2:30 વાગ્યે તેમના પર હુમલો કર્યો હતો. શુક્રવારે બહાર પાડવામાં આવેલ એક નવો વિડિયો બતાવે છે કે શંકાસ્પદ વ્યક્તિ પોતાનો ચહેરો ઢાંકીને અને બેકપેક લઈને બિલ્ડિંગમાં પ્રવેશી રહ્યો છે. પોલીસે આ ઘટના અંગે અભિનેત્રી કરીના કપૂરનું નિવેદન પણ લીધું છે.

મહારાષ્ટ્રના ગૃહ રાજ્ય પ્રધાન યોગેશ કદમે પુષ્ટિ કરી છે કે, સૈફ અલી ખાન પર હુમલો કોઈ અંડરવર્લ્ડ ગેંગ દ્વારા કરવામાં આવ્યો ન હતો. તેમણે કહ્યું કે, 'કસ્ટડીમાં લેવાયેલ શકમંદ કોઈ ગેંગ સાથે સંકળાયેલો નથી. આ હુમલો કોઈ ગુનાહિત નેટવર્ક દ્વારા કરવામાં આવ્યો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ