કચ્છ-ભૂજના યુવાનનો દિલ્હી શાહીનબાગમાં નારેબાજી કરતો વીડિયો વાયરલ થતા ચકચાર મચી ગઈ છે. મોદી, અમિત શાહ વિરૂધ્ધના સૂત્રોચ્ચાર કરવામાં આવ્યા છે એટલું જ નહીં પરંતુ ગુજરાતની આઝાદી અને કચ્છની આઝાદીના નારા લગાવવામાં આવ્યા છે.
કચ્છના યુવાનનો વિવાદિત વીડિયો, 'કચ્છની આઝાદી'ની કરી રહ્યો છે માગ
વીડિયોમાં યુવાનની વિવાદિત નારેબાજી કરી રહ્યો છે
સાહીનબાગ ખાતેના પ્રદર્શનમાં ગુજરાતી યુવકનો વીડિયો વાયરલ
સાહીનબાગમાં 15મી ડિસેમ્બરથી મહિલાઓ CAAના વિરોધમાં ધરણા ઉપર બેઠી છે આ વિરોધ અહિંસક અને શાંતિપૂર્ણ ચાલી રહ્યો છે ત્યારે દોઢ મહિનાથી ચાલી રહેલા આ વિરોધ અંગે ઈન્ટરનેશનલ લેવલે નોંધ લેવાઈ રહી છે પરંતુ ગુજરાતમાંથી કચ્છ-ભૂજના યુવાનનો વીડિયો વાયરલ થઈ રહ્યો છે. આ વીડિયોમાં કચ્છભી માંગે આઝાદીની સાથે સાથે , મોદી તેરી તાનાશાહી નહી ચલેગી નહીં ચલેગી જેવા નારા લગાવ્યા છે.
શું છે વીડિયોમાં?
કચ્છના યુવાનનો વિવાદિત વીડિયો વાયરલ થયો છે. વાયરલ વીડિયોમાં યુવાન `કચ્છની આઝાદી'ની માગ કરી રહ્યો છે. વીડિયોમાં યુવાન વિવાદિત નારેબાજી કરી રહ્યો છે. 'કચ્છ ભી માંગે આઝાદી'ના સૂત્રોચ્ચાર કરાતો યુવાનનો વીડિયો વાયરલ ખુબ વાયરલ થઇ રહ્યો છે. તો સાથે જ 'અમદાવાદ ભી માગે આઝાદી' અને 'ગુજરાત માંગે આઝાદી'ના નારા લગાવ્યા હતા. સોશિયલ મીડિયામાં યુવાનનો વીડિયો વાયરલ થતા ચકચાર મચી જવા પામી છે