દક્ષિણ આફ્રાથી તાલ્લુક રાખનાર વિવાદસ્પદ NRI ગુપ્તા બંધુઓને બે પુત્રોના લગ્ન હાઇ પ્રોફાઇલ લગ્ન ઉત્તરાખંડના શાનદાર હિલ સ્ટેશન ઔલીમાં થવા જઇ રહ્યા છે. હાઇ પ્રોફાઇલ એના માટે લગ્નમાં 200 કરોડ રૂપિયા ખર્ચો થશે.
પહેલા લગ્ન અજય ગુપ્તાના પુત્ર સૂર્યકાંતના 18 20 જૂનની વચ્ચે થશે. જ્યારે એના નાના ભાઇ અતુલ ગુપ્તાના પુત્ર શશાંક 20 22 જૂને લગ્નના બંધનમાં જોડાશે. સૂર્યકાંતના લગ્ન હીરાના વેપારી સુરેશ સિંઘલની પુત્રી કૃતિકા સિંઘલ સાથે અને શશાંકના લગ્ન દુબઇના વેપારી વિશાલ જલાનની પુત્રી શિવાંગી જલાન સાથે થશે.
ઔલીની તમામ હોટલો બુક
હાલ ઔલીમાં લગભગ તમામ હોટલ અને રિસોર્ટ સપ્તાહ માટે ગુપ્તા બંધુઓના નામે થઇ ગઇ છે. લગ્નમાં સજાવટ માટે 5 કરોડ રૂપિયાના ફૂલ સ્વિટ્ઝરલેન્ડથી મંગાવવામાં આવી રહ્યા છે.
દિલ્હીથી મહેમાનોને ઔલી સુધી લાવવા માચે આશરે 200 હેલિકૉપ્ટર ભાડેથી લેવામાં આવ્યા છે. આ રૉયલ લગ્નમાં 100 પંડિત બુક કરવામાં આવ્યા છે. લગ્નનું કાર્ડ પણ અનોખું છે. ચાંદીથી બનેલા કાર્ડનું વજન આશરે સાડા ચાર કિલો છે.
લગ્નમાં સામેલ થનાર મહેમાનો માટે દર્શન કરાવવા માટે બદ્રીનાથ મંદિર પણ લઇ જવામાં આવશે. આ ઉપરાંત મહેમાનો માટે લગભગ 400 અલગ અલગ પકવાનોની વ્યવસ્થા કરવામાં આવી છે.
કોણ છે ગુપ્તા બ્રધર્સ
ઉત્તર પ્રદેશના સહારનપુરથી 1993માં ત્રણ ભાઇઓ અજય ગુપ્તા, અતુલ ગુપ્તા અને રાજેશ ગુપ્તા દક્ષિણ આફ્રિકા પહોંચ્યા હતા. આ ત્રણેય ભાઇઓ દક્ષિણ આફ્રિકામાં બિઝનેસનું વિશાળ સામ્રાજ્ય ઊભી કરવાની સ્ટોરી બિલકુલ ફિલ્મી છે. તે લોકોના પિતા સહારનપુરમાં મસાલાના જાણીતા વેપારી હતા.