જાણવા જેવુ / મહિલાઓને પ્રેગ્નેન્સીમાં કેમ કેસર આપવામાં આવે છે? જાણો તેના ફાયદા અને નુકસાન

• શિયાળાની સિઝનમાં પીવો કેસરનુ દૂધ
• તણાવ અને સ્ટ્રેસની સમસ્યામાંથી મળશે છૂટકારો
• પ્રેગ્નેન્ટ મહિલાઓ માટે કેસરનુ દૂધ અતિ ગુણકારી

કેસરના દૂધના સેવનથી તણાવ રહેશે દૂર

શિયાળાની સિઝનમાં કેસરનુ દૂધ પીવાથી શરીરને ઘણા લાભ મળે છે. મહત્વનું છે કે કેસરના દૂધના સેવનથી તણાવ અને સ્ટ્રેસની સમસ્યામાંથી છૂટકારો મળે છે. તમે ધ્યાન આપ્યું હશે કે ગર્ભવતી મહિલાઓને વારંવાર ડૉકટર કેસરવાળું દૂધ પીવાની સલાહ આપે છે.  એવુ કહેવામાં આવે છે કે કેસરવાળા દૂધના સેવનથી બાળક વ્હાઈટ થાય છે. પ્રેગ્નેન્સીમાં મહિલાઓનો મૂડ જલ્દી બદલાય છે. આ મહિલાઓના મૂડ સ્વિંગની સમસ્યાને ઘટાડવાનુ કામ કરે છે. જેમાં રહેલા પોષક તત્વ ગર્ભમાં ઉછરી રહેલા બાળકોના આરોગ્ય માટે ફાયદાકારક હોય છે. 

કેસરના ફાયદા

1. ગર્ભાવસ્થા દરમ્યાન મહિલાઓના હાર્ટ રેટમાં ઝડપથી વધારો થાય છે. બીપી પણ ઝડપથી વધઘટ થાય છે. કેસરનુ દૂધ આ સમસ્યાને દૂર કરે છે, કારણકે તેમાં રહેલ પોટેશિયમ અને ક્રોસેટિન બ્લડ પ્રેશરને અંકુશમાં રાખવાનુ કામ કરે છે.
2. ગર્ભાવસ્થા દરમ્યાન મહિલાઓમાં અનેક પ્રકારના હોર્મોનલ ચેન્જ આવે છે. જેના કારણે તેમના મૂડ અને તેમની ફીલિંગ્સમાં ઝડપથી ફેરફાર થાય છે. જેની સીધી અસર ગર્ભમાં ઉછરી રહેલા બાળક પર થાય છે. કેસર એન્ટી-ડિપ્રેસેન્ટ તરીકે કામ કરે છે, જે મગજમાં બ્લડ સપ્લાયને વધારીને સ્ટ્રેસને ઘટાડવાનુ કામ કરે છે. 
3. ગર્ભાવસ્થા દરમ્યાન મહિલાઓને મોર્નિગ સિકનેસની સમસ્યા આવે છે. એવામાં ચક્કર, ઉલ્ટી અને માથા ફરવાનો અહેસાસ થાય છે. સવારે શરીરની એનર્જીમાં ખૂબ ઓછી રહે છે અને ઘણી વખત મહિલાઓ થાક મહેસૂસ કરે છે. એવામાં કેસરમાંથી બનાવેલી ચા મહિલાઓ માટે લાભદાયી હોય છે અને માથુ ફરવાની સમસ્યામાંથી આરામ મળે છે.