કોરોના વાયરસની વેક્સીનને લઈને અનેક પ્રકારની અટકળો કરવામાં આવી રહી છે ત્યારે આશા છે કે આ વર્ષના અંત સુધીમાં કોરોનાની વેક્સીન આવી શકે છે. અમેરિકાના મહામારી રોગ વિશેષજ્ઞ ડોક્ટર એન્થની ફાઉચીનું કહેવું છે કે આખી દુનિયાને એક સુરક્ષિત અને પ્રભાવી વેક્સીન 2021ના એપ્રિલ સુધીમાં મળી શકે છે.
નવેમ્બર કે ડિસેમ્બર સુધીમાં જાણી શકાશે કે કઈ વેક્સીન કેન્ડિડેટ સુરક્ષિત છે. તેની શોધ બાદ શરૂઆતમાં ફક્ત કેટલાક લાખ ડોઝ તૈયાર કરવામાં આવશે. ફાઉચીનો દાવો છે કે અમેરિકી રાષ્ટ્રપતિ ટ્રમ્પના કેસમાં તે ઉલટું છે. તેમાં તેઓએ કહ્યું કે આ વર્ષના અંતમાં અમેરિકામાં વેક્સીનના 10 લાખ ડોઝ તૈયાર થઈ જશે.
મોટા પ્રમાણમાં વેક્સીન બનવી હાલમાં શક્ય નથીઃ ફાઉચી
ફાઉચીનં કહેવું છે કે મોટી સંખ્યામાં વેક્સીન બનવાનું ત્યારે જ શક્ય છે જ્યારે તે ટ્રાયલમાં સુરક્ષિત અને કારગર સાબિત થાય. વેક્સીન સુરક્ષિત સાબિત થયા બાદ જ તેને મોટા પ્રમાણમાં 2021ના પહેલાં 3 મહિનામાં વધારે પ્રમાણમાં બનાવવામાં આવશે. તેઓએ કહ્યું કે જોનસન એન્ડ જોનસનની વેક્સીનના ટ્રાયલને રોકાયું તે સારો સંકેત હોઈ શકે છે. તેનાથી ખ્યાલ આવે છે કે વેક્સીન ટ્રાયલ યોગ્ય દિશામાં ચાલી રહ્યું છે અને તે લોકોને સુરક્ષા આપવા માટે પ્રતિબદ્ધ છે.
વોલેન્ટિયરને સાઈડઈફેક્ટ થતાં કંપનીએ રોક્યું હતું ટ્રાયલ
એક વોલેન્ટિયર પર સાઈડ ઈફેક્ટ જોવા મળતાં જોનસન એન્ડ જોનસન કંપનીએ ટ્રાયલ રોક્યું હતું. આ પહેલાં ઓક્સફર્ડની વેક્સીનને પણ સાઈડ ઇફેક્ટના કારણે રોકવામાં આવી હતી. ફાઉચીએ કહ્યું કે જ્યારે પણ કોઈ વેક્સીનનું ટ્રાયલ રોકાય છે તો તેની પર પ્રશ્નો સર્જાય છે.
લોકોને સાવધાની રાખવાની જરૂરઃ ફાઉચી
ફાઉચીએ કોરોનાના વધતા કેસને જોતાં લોકોને સાવધાની રાખવા કહ્યું છે. તેઓએ કહ્યું કે ઘરની બારીઓ ખુલ્લી રાખો. તમને લાગે કે ઘરમાં કોઈ સભ્ય સંક્રમિત થઈ શકે છે તો ઘરમાં પણ માસ્ક પહેરો. ડરો નહીં, સાવચેત રહો તે જરૂરી.
ડોનાલ્ડ ટ્રમ્પના સાજા થવાથી ખુશ છે ફાઉચી
ફાઉચીએ કહ્યું કે તેઓ ખુશ છે કે રાષ્ટ્રપતિ ટ્રમ્પ સાજા થી ચૂક્યા છે પણ સંક્રમિત વ્યક્તિઓનો અનુભવ અલગ હોઈ શકે છે. તેમના જલ્દી સાજા થવું તે સારી નિશાની છે. ઘણા ઓછા લોકો આટલી ઝડપથી સાજા થાય છે.