ઓહ માય ગોડ / કારનાં બોનેટ પર ચડી ગયો ચિત્તો, ગાઈડે જુઓ કેવી રીતે લીધી સેલ્ફી, VIDEO જોનારનાં જીવ અધ્ધર

• એક શખ્સ ચિત્તા સાથે લઇ રહ્યો છે સેલ્ફી
• વીડિયો જોઈને તમારા શ્વાસ અટકી જશે
• સોશિયલ મીડિયામાં યુઝર્સે આપી આવી પ્રતિક્રિયા

સેલ્ફી લેવાના ચક્કરમાં પોતાના જીવની પણ ચિંતા નથી 

સોશિયલ મીડિયામાં અવાર-નવાર એવા વીડિયો વાયરલ થતા રહે છે, જેમાં ઘણા લોકો અનોખી સેલ્ફી લેવાના ચક્કરમાં પોતાનો જીવ પણ જોખમમાં નાખવા માટે પાછળ હટતા નથી. આવો એક વીડિયો સફારી સાથે જોડાયેલો છે. આમ તો સફારીની સવારી દરમ્યાન વારંવાર પ્રકૃતિને ખૂબ નજીકથી જોવાની તક મળે છે. આ સાથે જંગલી પ્રાણીઓથી પણ નજીકથી રૂબરૂ થઇ શકાય છે. પરંતુ આ દરમ્યાન ઘણી વખત જંગલી પ્રાણી નજીક આવે છે, જેની સાથે લોકો સેલ્ફી લેવાનો પ્રયાસ કરે છે, જે અનેક વખત ખૂબ ખતરનાક સાબિત થાય છે. 

સફારી ગાઈડ કારમાં બેઠા-બેઠા ચિત્તા સાથે લઇ રહ્યો છે સેલ્ફી

ઝડપથી વાયરલ થયેલા આ વીડિયોમાં એક શખ્સ ચિત્તાની સાથે સેલ્ફી લઇ રહ્યો છે. પરંતુ થોડી સેકન્ડ બાદ કઈક એવુ થાય છે, જેને જોઈને દરેક યુઝર્સ પરેશાન છે. વીડિયોની શરૂઆત એક ચિત્તાથી થાય છે, જે પર્યટકોથી ભરેલી સફારી જીપ તરફ આગળ વધી રહ્યો છે. વીડિયોમાં તમે આગળ જોશો કે ચિત્તો કૂદીને કારના બોનેટ પર ચઢીને બેસી જાય છે. આ દરમ્યાન ઓપન રૂફમાંથી ચિત્તો અંદર જોવાનો પ્રયાસ કરે છે. આ દરમ્યાન જીપમાં બેઠેલા બધા લોકો ગભરાઈ જાય છે, પરંતુ તેમાં બેઠેલ એક સફારી ગાઈડ તેની બેઠક પરથી ઉઠીને ચિત્તાની સાથે સેલ્ફી લે છે. 

African Selfie…Cheetah style pic.twitter.com/WnOHkB5J9D

— Clement Ben IFS (@ben_ifs) September 21, 2022

જાણો યુઝર્સે શું કહ્યું 

આ વીડિયો આઈએફએસ અધિકારી ક્લેમેંટ બેને તેના ટ્વિટર પર શેર કર્યો છે. વીડિયોમાં જોઇ શકાય છે કે ચિત્તો શખ્સની બિલ્કુલ મોંઢાની પાસે બેઠો છે. આ વીડિયોને જોઇને યુઝર્સ પૂછી રહ્યાં છે કે આ શખ્સ જીવતો છે કે મરી ગયો. આ વીડિયોને અત્યાર સુધી 77kથી વધુ વખત જોવામાં આવ્યો છે અને ગણતરી સતત વધી રહી છે.