અત્યારે સંજય દત્તને લંગ કેન્સર હોવાના સમાચારે બધાંને ઘેરી ચિંતામાં નાખી દિધા છે. ત્યારે બીજી બાજુ સંજય દત્તની મોસ્ટ અવેટેડ અપકમિંગ ફિલ્મ સડક 2નું ટ્રેલર રિલીઝ કરવામાં આવ્યું છે. આલિયા ભટ્ટ, આદિત્ય રોય કપૂર અને સંજય દત્ત સ્ટારર આ ફિલ્મનું ટ્રેલર મંગળવારે 11 ઓગસ્ટે રિલીઝ કરવાનું હતું, પરંતુ એક દિવસ બાદ 12 ઓગસ્ટે ટ્રેલર રિલીઝ કરાયું. ફિલ્મના ટ્રેલરમાં લવસ્ટોરી, ડ્રામા અને સસ્પેન્સ સાથે ટ્વિસ્ટ જોવા મળી રહ્યો છે.
સંજય દત્તની મોસ્ટ અવેટેડ ફિલ્મ સડક 2નું ટ્રેલર થયું લોન્ચ
ટ્રેલરમાં જોરદાર લવસ્ટોરી અને ખતરનાક ટ્વિસ્ટ જોવા મળ્યું
28 ઓગસ્ટે ફિલ્મ થશે રિલીઝ
ટ્રેલરની શરૂઆતમાં જ સંજય દત્ત અને પૂજા ભટ્ટની ફિલ્મ સડકની એક ઝલકથી થાય છે. બસ પછી શરૂ થાય છે કહાની. ફિલ્મમાં સંજય દત્ત અને આલિયા ભટ્ટની મુલાકાતની ઝલક પણ ટ્રેલરમાં જોવા મળે છે. ટ્રેલર જોઈને લાગે છે કે, સંજય દત્ત તેની પત્ની પૂજા ભટ્ટને કરેલાં પ્રોમીસ માટે આલિયાની મદદ કરે છે. આ દરમિયાન આ બંને વચ્ચે સંબંધોને લઈને ઘણી વાતચીત પણ થાય છે. ટ્રેલરમાં આદિત્ય રોય કપૂરના રોલ અંગે ખાસ કંઈ જાણકારી મળી નથી.
ટ્રેલરમાં ખતરનાક ટ્વિસ્ટ પણ જોવા મળી રહ્યો છે. જેમાં કેટલાક ભૂવા ખરાબ કામ કરવાની કોશિશ કરતાં જોવા મળી રહ્યાં છે. આ ટ્રેલરમાં સંજય દત્તના એક્શન અવતારની પણ ઝલક જોવા મળી રહી છે. આલિયા ફિલ્મમાં ટ્વિસ્ટ વિશે હિંટ આપતી જોવા મળી રહી છે. તે કહી રહી છે આવા ફ્રોડ ભૂવાઓેને કારણે મેં મારા પોતાનાને ગુમાવી દીધા છે.
તમને જણાવી દઈએ કે ફિલ્મ મહેશ ભટ્ટે ડિરેક્ટ કરી છે અને 28 ઓગસ્ટે હોટસ્ટાર પર રિલીઝ કરવામાં આવશે. સંજય દત્તને લઈને એવા સમાચારો મળી રહ્યાં છે કે તે ઈલાજ માટે અમેરિકા જઈ શકે છે. એવામાં સડક 2ના પ્રમોશનમાં પણ સંજુ બાબા જોવા નહીં મળે.