નવુ વર્ષ અમરેલી જિલ્લાના બાબરા માટે માઠા સમાચાર લઈને આવ્યુ છે. અમરેલીના બાબરામાં બે દિવસ પહેલા કાળુભાર ચેક ડેમમાં ડૂબી જવાથી ત્રણ યુવતીઓના મોત થયા હતા. આ યુવતીઓ મોત પહેલા પોતાની તસવીર લીધી હતી જે સામે આવતા ગ્રામજનોના શોકમાં ઓર વધારો થયો હતો.
ચેક ડેમમાં કપડા ધોઈને નહાવા પડી હતી યુવતીઓ
એકને બચાવવા જતા બીજી બે બહેનો પણ ડુબી
મોત પહેલા લીધી હતી સેલ્ફી
ત્રણેય યુવતીમાં બે સગી બહેનો હતી જ્યારે એક પિતરાઈ બહેન હતી. એક બહેન નદીમાં લપસીને ડુબી રહી હતી જેને બચાવવા જતા બીજી બે બહોનોના પણ મોત થયા હતા. મોત પહેલા આ બહેનોએ સેલ્ફી લીધી હતી જેના ફોટા સામે આવતા તેમના પરિવારજનોને વધુ આઘાત લાગ્યો હતો. બે દિવસ અગાઉ બહેનો ચેકડેમમાં ડુબી હતી.
ચેકડેમમાં કપડા ધોઈને નહાવા પડી હતી યુવતીઓ
અમરેલી જિલ્લાના બાબરામાં આવેલા બ્રહ્મકુંડ પાછળ કાળુભાર ચેક ડેમમાં મુસ્લિમ પરિવારની બે સગી બહેન અને કાકાની દીકરી ત્રણેય કપડા ધોવા આવી હતી. કપડા ધોવાઇ ગયા બાદ ત્રણેય કાળુભાર ચેક ડેમમાં નાહવા પડી હતી.
યુવતીઓના મોતને કારણે બાબરામાં આક્રંદ મચી ગયો હતો
શબનમ કાદર મેતર (ઉં.વ.21), રેહાના કાદર મેતર (ઉં.વ.18) અને સબુકતા રહીમ મેતર (ઉં.વ. 16)ના ડૂબી જવાથી મોત નીપજ્યા હતા. 108 દ્વારા ત્રણેય બહેનોના મૃતદેહને હોસ્પિટલ ખાતે ખસેડાયા હતા. ત્રણેયના મૃતદેહના બાબરા સરકારી હોસ્પિટલમાં પોસ્ટ મોર્ટમ કરવામાં આવ્યા હતા.