સચિન તેંડુલકર આગામી રોડ સેફટી વર્લ્ડ સીરિઝમાં ભારતીય ટીમની કપ્તાની કરતાં જોવા મળશે.
સચિન તેંડુલકર આગામી રોડ સેફટી વર્લ્ડ સીરિઝ લેશે ભાગ
કરશે ભારતીય ટીમની કપ્તાની
10 સપ્ટેમ્બરથી શરૂ થશે ટૂર્નામેન્ટ
સચિન તેંડુલકર આગામી રોડ સેફટી વર્લ્ડ સીરિઝ લેશે ભાગ
સચિન તેંડુલકરનાં ફેન્સ માટે એક મોટી ખુશખબર છે. એકવાર ફરી ક્રિકેટનાં મેદાન પર માસ્ટર બ્લાસ્ટર સચિન તેંડુલકર ચોક્કા - છગ્ગા ફટકારતાં જોવા મળશે. જણાવી દઈએ કે સચિન તેંડુલકરને ક્રિકેટનાં ભગવાન કહેવામાં આવે છે. સચિન તેંડુલકરે પોતાની કરિયર દરમિયાન વન ડેમાં 18,426 અને ટેસ્ટમાં 15,921 રન બનાવ્યા છે. બધા ફોર્મેટ મળીને સચિનનાં નામે 100 આંતરરાષ્ટ્રીય સદી છે.
મેદાન પર ફરી ચોક્કા-છગ્ગા ફટકારશે સચિન
સચિન તેંડુલકરનાં નામે વન ડે ક્રિકેટમાં આપહેલી બેવડી સદી ફટકારવાનો રેકોર્ડ છે. 24 ફેબ્રુઆરી 2010નાં રોજ સચિને વન ડે ઇન્ટરનેશનલ ક્રિકેટની પહેલી બેવડી સદી ફટકારી હતી. વર્ષ 2013માં સચિને ઇન્ટરનેશનલ ક્રિકેટને અલવિદા કહ્યું હતું. જણાવી દઈએ કે સચિન તેંડુલકર એકવાર ફરી ફેન્સ માટે ક્રિકેટનાં મેદાન પર ઉતરવા જઈ રહ્યા છે.
ઇન્ડિયન ટીમની કરશે કેપ્ટન્સી
મહાન ક્રિકેટર સચિન તેંડુલકર 10 સપ્ટેમ્બર 2022થી 1 ઓકટોબર 2022 સુધી આયોજિત થનાર રોડ સેફટી વર્લ્ડ સીરિઝની બીજી સિઝનમાં ગત ચેમ્પિયન ઇંડિયન લિજેન્ડસની કપ્તાની કરશે. રોડ સેફટી વર્લ્ડ સીરિઝની મેચ કાનપુર, રાયપુર, ઈન્દોર અને દહેરાદૂનમાં રમવામાં આવશે. રોડ સેફટી વર્લ્ડ સીરિઝની પહેલી મેચ કાનપુરમાં થશે અને બે સેમીફાઇનલ અને ફાઇનલ રાયપુરમાં રમવામાં આવશે.
ટૂર્નામેન્ટમાં આ દેશો થશે સામેલ
ન્યૂઝીલેન્ડ લિજેન્ડસ આ સિઝનમાં નવી ટીમ છે અને તે દેશ અને દુનિયાભરમાં રોડ સેફટી પ્રત્યે જાગરૂકતા પેદા કરવા માટે મુખ્ય રૂપથી રમાતી 22 દિવસની ટૂર્નામેન્ટમાં ભારત, વેસ્ટઈન્ડિઝ, સાઉથ આફ્રિકા, બાંગ્લાદેશ અને ઈંગ્લેન્ડ જેવા દેશો સામેલ થશે.
આ ચેનલ પર થશે લાઈવ ટેલિકાસ્ટ
રોડ સેફટી સીરિઝનાં આગામી સિઝનને કલર્સ સીનેપ્લેક્સ, કલર્સ સીનેપ્લેક્સ સુપરહિટ અને નવા લોન્ચ કરવામાં આવેલ સ્પોર્ટ્સ 18 ખેલ પર પ્રસારિત કરવામાં આવશે, જ્યારે આ વૂટ અં એજિયો પર ડિજિટલ રૂપથી પણ સ્ટ્રીમિંગ કરવામાં આવશે.