ભારતના મહાન ક્રિકેટર સચિન તેંદૂલકર હાલમાં રાયપુરમાં છે. રોડ સેફ્ટી વર્લ્ડ સિરીઝ રમાઇ રહી છે ત્યારે સચિને જોરદાર રાડ પાડી તેવો વીડિયો વાયરલ થઇ રહ્યો છે.
કોરોનાને કારણે ખેલાડીઓએ રેગ્યુલર કોરોના ટેસ્ટ કરાવવો પડે છે. આવામાં સચિને પણ ટેસ્ટ કરાવ્યો હતો. તેણે આ વીડિયો સોશ્યલ મિડીયા પર પોસ્ટ કર્યો છે અને તેમાં તે મેડિકલ સ્ટાફ સાથે પ્રેંક કરતા નજરે પડી રહ્યા છે. વીડિયો પોસ્ટ કરીને તેંદુલકરે કેપ્શનમાં લખ્યું કે, મે 200 ટેસ્ટ રમી છે અને આ 277 કોરોના ટેસ્ટ છે. એક નાનો પ્રેન્ક માહોલને હળવો બનાવી શકે છે. આપણા ડૉક્ટર્સને સલામ.
સચિને જે વીડિયો શૅર કર્યો છે તેમાં મેડિલક સ્ટાફ નાકમાં સ્વૉબ સ્ટિક નાંખીને ટેસ્ટ કરી રહ્યાં હોય છે, ત્યારે જ સચિન જોરથી બુમ પાડે છે અને તેમને આ રીતે જોઇને મેડિકલ સ્ટાફ ડરી જાય છે. બાદમાં સચિન હસવા લાગે છે અને આ વીડિયો પર ફેન્સ સતત કમેન્ટ કરી રહ્યાં છે.
મહત્વનું છે કે રોડ સેફ્ટી સિરીઝમાં 5 માર્ચે બાંગ્લાદેશ વિરુદ્ધ ઇન્ડિયા લિજેન્ડ્સે શાનદાર પફોર્મ કર્યુ હતુ અને 10 વિકેટથી જીત હાંસલ કરી હતી. તે મૅચમાં સહેવાગ અને સચિને જોરદાર બેટિંગ કરી હતી. સહેવાગે 35 બોલમાં 80 રનની વિસ્ફોટક ઇનીંગ રમી હતી.
બીજી તરફ સચિને 35 રન બનાવ્યા હતા. તેણે પોતાની આ બેટિંગમાં શાનદાર શોટ્સ રમ્યા અને ફેન્સને ફરી જૂની યાદમાં લઇ ગયો હતો.